Hər il keçirilən Beynəlxalq One Caucasus Festivalı bu il 25-28 avqust tarixlərində Tserakvi kəndində (Marneul rayonu, Gürcüstan) baş tutacaq. Bu il festival Azərbaycan, ABŞ Almaniya, Gürcüstan, Misir, Hindistan, Kenya, Fransa (Martinika), Nepal, Polşa, Rusiya, Seneqal, Ermənistan, Tibet, Tunis, Ukrayna da daxil olmaqla 15-dən çox ölkədən qonaq qəbul edəcək.



Artıq 3 ildir ki, festival yerli bələdiyyənin dəstəyi ilə Marneul rayonunda baş tutur. Festivalın əsas məqsədi bütün müxtəlif ölkələrin gəncləri üçün görüş yeri və yaradıcı mühit yaratmaqdır.



One Caucasus dünyanın dörd bir yanından gəlmiş musiqiçilər, rəssamlar, animatorlar, memarlar və könüllüləri bir araya gətirir. Bundan əlavə, One Caucasus qeyri-rəsmi təhsil yolu ilə rayonun yerli əhalisi ilə aktiv işləyir və Marneulda, eləcə də digər bölgələrdə vətəndaş büdcəsinin inkişafını dəstəkləyir.



Bu festivalı xüsusi edən nədir?

• yeni yanaşma tərzi.

o Qafqazdan və xarici ölkələrdən gələn, – müxtəlif mədəniyyətlərin nümayəndələri olan professional musiqiçiləri birləşdirən yeni və müasir konsepsiyaya malik festival olması

o memarlar, könüllülər və yerli əhali tərəfindən müxtəlif fənlərarası tədbirlər və aktivitələr üçün yaradılan çoxfunksiyalı One Caucasus şəhərciyi (“xəyallarımızın ideal olmayan şəhərciyi”)

o Yerli kontekstdə müasir sənətçilər tərəfindən yaradılan vizual sənət proqramı



• yeniliyə açıq olması. One Caucasus festivaldan kənardakı həyata da yeniliklər gətirir.



o Yeni beynəlxalq musiqi festivalın başlaması Qafqazdan və dünyanın digər regionlarından olan görkəmli musiqiçilərin dostluğunun başlanğıcı oldu.



• Festival xalq tərəfindən xalq üçün keçirilir:

o Hər il dünyanın bütün qitələrindən gələn(Antarktika xaric) onlarla könüllü One Caucasus festivalının yaradıcısına çevrilirlər. Festivala giriş sərbəstdir, ödənişsiz nəqliyyat (Tiflis\Tserakvi\Tiflis) və şəhərcik ərazisində pulsuz yaşama imkanı festivalı hamı üçün əlçatan edir.



Layihənin partnyorları: Polşa Respublikasının Mədəniyyət və Milli İrs Nazirliyi, Marneul Bələdiyyəsi, Varşava şəhəri bələdiyyəsi, ABŞ-ın Gürcüstandakı Səfirliyi, Gürcüstan Fransız İnstitutu, Gürcüstanın Mədəniyyət və Abidələrin Mühafizəsi Nazirliyi.



Ətraflı məlumat: üçün daxil olun:

Əlaqə məlumatları:

www.OneCaucasus.org Email: onecaucasusfestival@gmail.com

www.facebook.com/onecaucasus Tel: (+995) 577 14 19 85 www.youtube.com/onecaucasus (+995) 558 66 87 71