Azərbaycanlı iş adamı iftar süfrəsi təşkil edib – FOTO

O, hər zaman Azərbaycan dövlətinə, millətinə sadiq qalacağını söyləyib

Dünən Azərbaycan Kikboksinq Federasiyasının vitse-prezidenti, iş adamı Səbuhi Rəcəbovun rəhbəri olduğu “Caspi Aqua Park” istirahət və əyləncə mərkəzinin və “Caspi Marine” restoranın açılış mərasimi keçirilib.

PostNews.Az-ın məlumatına görə, tədbir əvvəlcə rəmzi qırmızı lenti kəsməklə başlayıb. Lenti səbəbkarla birgə Azərbaycan Kikboksinq Federasiyasının prezidenti, millət vəkili Adil Əliyev kəsiblər.

Tanınmış teleaparıcı Saleh Bağırovun təqdimatıyla açıq elan olunan tədbiri girişi sözüylə millət vəkili Adil Əliyev açıb:

“Müqəddəs Ramazan ayı münasibəti ilə hər birinizi təbrik edirəm! Bu gözəl ayda sizin hər birinizi burada görmək qürurvericidir. Çox sevinirəm ki, Səbuhi qardaşımız bir çox tanınmış simaları bir araya gətirməyi bacarıb. Bu gün də bunun şahidi oluruq. Bu məkanda bu cür insanların bir araya toplaşması artıq özü bir tarixi hadisədir. Bu günləri Azərbaycan dünyada inkişaf etmiş bir dövlət kimi tanınır və bu gün gördüyümüz kimi iş adamlarının Azərbaycanın tanınmasında, çiçəklənməsində verdiyi töhfılərinin şahidi oluruq. Səbuhi Azərbaycan vətəndaşlarının belə gözəl məkanda istirahəti üçün əlindən gələni edib, bunu yüksək qiymətləndirirəm. Təbii ki, bu gözəl dövlətin vətəndaşlarının gücüdür. Ümumiyyıtlə, nəyinki gənclərimizlə, dövlətimizlə, Ali Baş Komandan, cənab prezident İlham Əliyevlə qürur duyuruq. Qürur duyuruq ki, biz belə bir dövlətin vətəndaşıyıq. Hər birimiz sevinməliyik ki, bu günləri dünyada baş verən iqtisadi durğunluq Azərbaycana da təsir edir. Amma buna baxmayaraq, vətəndaşlarımız öz gücüylə, işgüzarlığıyla, qabiliyyıətiylə, iradəsiylə durğunluğa qarşı mübarizə aparırlar. Bugünkü tədbirimiz də buna əyani sübutdur. Qardaşımız Hacı Səbuhi Azərbaycan Kikboksinq Federasiyasının vitse-prezidenti kimi fəaliyyətini yükəsk qiymətləndirirm, dəyər veririəm. Biz hamımız çalışmışıq ki, Azərbaycan üçün əməli işimizin nəticəsiylə sübut edək. Bir daha sizin həır birinizin gözünüz aydın olsun! Məkanımızın açılışının şahidi olduq və buna görə də xeyirli və uğurlu olsun! İnşallah, vətəndaşlarımız, balalarımız üçün gözəl məkan olsun.”

Daha sonra söz iş adamı Səbuhi Rəcəbova verildi. O, açılış mərasimində iştirak edən hamını salamlayaraq, müqqəddəs Ramazan bayramı münasibəti ilə təbrik edib. Qısa çıxışı zamanı millət vəkili Adil Əliyevin fikirlərinə qoşulduğunu və hər zaman Azərbaycan dövlətinə, millətinə sadiq qalacağını söyləyib.

Bundan başqa, fikirlərini bildirmək üçün söz idmançılara, ictimai xadimlərə və digır tanınmış şəxslərə verilib. Onlar da öz növbəsində səbəbkarı təbrik ediblər, ona xoş arzularını çatdırıblar.

Rəsmi hissədən sonra S.Rəcəbovun təşəbbüsü ilə qonaqlar üçün “Caspi Marine” restoranda iftar süfrəsi təşkil olunub.

Məlumat üçün bildirək ki, “Caspi Aqua Park” istirahət və əyləncə mərkəzi və “Caspi Marine” restoranı Mərdəkan çimərliyi sahilində yerləşir.

FUAD MƏDƏTOV

Foto: MAHİR HÜSEYNBƏYLİ