“Azərbaycan ailələrinə səslənib deyirəm ki, hamımız ailəmizdə milli dəyərləri qoruyub saxlamalıyıq”

Bunu ....Az-a azərbaycanlı iş adamı, “Excellent” şirkətinin rəhbəri Hacı Quliyev deyib. O, bildirib ki, Azərbaycan ailələrindəki böyüyə qarşı hörməti qorumalıyıq:

“Ağsaqqal sözünü, ağbirçək məsləhətlərini hörmətlə dinləməliyik. Bu gün ən əsas istəyim və tövsiyəm odur ki, gəlin, Azərbaycanlı olduğumuzu heç bir zaman unutmayaq!”

Hər zaman sosial problemlərin həllində fəal olan iş adamı, həyatında həm biznes fəaliyyətinin, həm də sosial məsələlərin həllinin vəhdət təşkil etdiyini qeyd edib:

“İş fəaliyyətimi apararaq, sosial problemlərin həlli ilə yanaşı, başqa aspektləri də həyatımda rahatlıqla yer ayıra bilirəm. Ona görə də düşünürəm ki, bütün bunların bir arada olması, insana müsbət keyfiyyət gətirir. Bir sözlə, insan birtərəfli olmamalı, hərtərəfli özünü inkişaf etdirməlidir.”