Akademik Milli Dram Teatrının kollektivi sabah (1 oktyabr) Gürcüstana yola düşür. Teatr Tbilisi Beynəlxalq Teatr Festivalında iştirak edəcək. Kollektiv festivalda “Kitabi-Dədə Qorqud” dastanının “Dirsə xan oğlu Buğac” boyu əsasında hazırlanan “İlahi oyun” tamaşası ilə çıxış edəcək. Festivalda “Yeni teatr marketi” proqramı çərçivəsində təqdim olunan Akademik Milli Dram Teatrının tamaşası 3 oktyabr tarixində, Kote Marcanişvili adına Dövlət Dram Teatrının böyük səhnəsində yerli vaxtla saat 20.00-da nümayiş etdiriləcək.

Rejissor Mikayıl Mikayılovun quruluşunda hazırlanan tamaşada Əməkdar artistlər Vidadi Həsənov (Ozan-Ata), Pərviz Məmmədrzayev (Ozan-Oğul), aktyorlar Nigar Güləhmədova (Ozan – Ana) və Novruz Novruzlu (Kut) çıxış edirlər.





http://tbilisiinternational.com/en/program?184





Tamaşa haqqında:

“İlahi oyun”



(“Kitabi-Dədə Qorqud” dastanının “Dirsə xan oğlu Buğac” boyu əsasında)









JANR: bir hissəli soylama



İŞTİRAKÇILAR:



1. Ozan – Ata – Vidadi Həsənov (Əməkdar artist)

2. Ozan – Ana -Nigar Güləhmədova

3. Ozan – Oğul – Pərviz Məmmədrzayev (Əməkdar artist)

4. KUT – Novruz Novruzlu







TEQLAYN: Bir neçə ali varlq oyun prosesində yenidən özlərini tapmaq üçün özünü itirmə dramını oynayırlar.







Əski türk ədəbi abidəsi olan “Kitabi-Dədə Qorqut” dastanı müqəddimədən və on ki boydan ibarətdir.

Bu boyların hər biri müstəqil süjetə malikdir. Bu boyları bir neçə ümumi personaj, əsasən də, Qam-xan oğlu Bayandur Xan və Dədə Qorqud birləşdirir.

Eposu XIII-XV əsrlərə aid edirlər. Ancaq dastanın kökləri daha əski dövrlərə, qədim keçmişə gedib çıxır. O zamanlar bəylərin alqışı alqış, qarğışı qarğış idi. O zamanlar Allahlarla ünsiyyət, dünyalar arasında səyahətlə, şər qüvvələrlə mübarizə ilə, öncəgörlüklə Qamlar məşğul idilər. Türklərdə şamanlar qam-ğam adlanırdı.

Onların maqik hərəkətləri qamlama adlanırdı.

Bayandır xan şamanın, qam-xanın oğludur. Bütün boylar Kitabi-Dədə Qorqud adı altında birləşir. Çünki Dədə Qorqud, bir növ, bu soylamaların müllifi kimi çıxış edir.

Bu tamaşa ilə Akademik Milli Dram Teatrı tamaşaçıları əski türk qəbilələrinin əsrarəngiz dünyasına, miflər aləminə, sakral məkanına daxil olmağa çağırır.



Xronometraj: 1 saat 20 dəqiqə