Danimarkada yaşayan soydaşımız - Azərbaycan-Danimarka Dostluq Cəmiyyətinin Mədəniyyət Mərkəzinin rəhbəri, musiqiçi Kəmalə Hüseynova Nordsiyellend bölgəsinin məşhur BOA adlı qrupu ilə birlikdə kilsədə milli musiqimizin təbliği istiqamətində konsert verib.

Bu haqda məlumatı Danimarka Azərbaycan-Türk Qadınlar Birliyinin sədri Anaxanım Hüseynova məlumat verib. A.Hüseynova bildirib ki, Kəmalə Hüseynova necə illərdir Azərbaycan musiqisinin təbliği istiqamətdində işlərini davam etdirir: "Xüsusilə, musiqiçilərimizin yerli qrupla birgə ifası tamaşaçılar tərəfindən maraqla qarşılanıb. Sentyabr ayında Danimarkanın Hillerod şəhərində Kultur Nat adlı yerdə böyük bir tədbir olacaq. Azərbaycan xalq mahnıları danimarkalı ansamblla birlikdə sintez edilərək səsləndiriləcək. Əsas məqsədimiz Azərbaycanı və onun gözəl musiqisini danimarkalılara tanıtmaq və sevdirməkdir".