Azərbaycan Dövlət YUĞ Teatrı Adanada keçiriləcək beynəlxalq teatr festivalına dəvət alıb. Adana Böyükşəhər Bələdiyyəsi Şəhər Teatrları Müdirliyinin oktyabrın sonu, noyabrın əvvəllərində keçirdiyi “V Şəhər Teatrları Görüşü” festivalında YUĞ Teatrı ölkəmizi A.P.Çexovun əsəri əsasında hazırlanmış “Təklif. Elçilik” tamaşası ilə təmsil edəcək. Səhnə əsərinin quruluşçu rejissoru Günay Səttar, quruluşçu rəssamı Əməkdar rəssam Rəşid Şerif, bəstəkarı Əməkdar artist Vüqar Camalzadədir. Tamaşada Əməkdar artist Vidadi Həsənov (Stepan Stepanoviç Çubukov), aktyorlar Zümrüd Qasımova (Natalya Stepanovna) və Elgün Həmidov (İvan Vasilyeviç Lomov) çıxış edirlər.

Hər zaman qadın-kişi münasibətlərində ziddiyyətlər və toqquşmalar olsa da, həyatda harmoniyanı yaradan yalnız onların birləşməsi, İn Yan bötüvlüyüdür. Kişi olmayan cəmiyyətdə qadınlar solğunlaşır, qadın olmayan cəmiyyətdə kişilər axmaqlaşır. Özlərini qoymağa yer tapmadıqda evlənirlər (A.P.Çexov). Qadın-kişi mübarizəsi, toqquşmaları həyat tərzidir, gerçəkliyin normasıdır. Gerçəkliksə bir lətifə üzərində qurulub. Hər kəsin bunu anlaması üçün öz yaşamına nəzər salması kifayətdir.





Elçin Cəfərov

Yuğ Dövlət Teatrının ədəbi hissə müdiri

Tel.: 077 606 03 93

E-mail: pr.yugteatr@gmail.com