AZ4200, Lənkəran şəh., Z.Əliyeva küç., 75/1, m 9 Mob: 055 719 20 68 E-mail: shafagect@gmail.com



№ PR-2018/002 03 iyul 2018 -ci il





KİV üçün AÇIQLAMA

Aqroturizmin inkişafı ilə bağlı növbəti məlumatlandırma sessiyaları

Lənkəran rayonunda təşkil olundu



Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə yardımı, Lənkəran şəhər İcra Hakimiyyətinin təşkilati dəstəyi ilə “Şəfəq” Ekoturizm İctimai Birliyi tərəfindən “Aqroturizmin inkişafı üçün məşğulluğun artırılmasına dəstək” layihəsi çərçivəsində növbəti məlumatlandırma sessiyası Lənkəran rayonun Vilvan kəndi və İstisu qəsəbəsində təşkil edilmişdir. Məlumatlandırma sessiyalarında ümumilikdə 45 nəfərdən çox sahibkar, bələdiyyə, kənd ərazi dairəsi üzrə icra nümayəndələri iştirak etmişdir.

Tədbiri giriş sözü ilə açan “Şəfəq” Ekoturizm İctimai Birliyinin əməkdaşı və layihə üzrə ekspert Rafət Şirəliyev öncə layihə və onun məqsədləri barədə, layihənin donoru və təşkilat haqqında, daha sonra turizm mövzusuna giriş edərək bu sahədə dövlət tərəfindən görülən işləri, Astara rayonunda aqroturizm prespektivləri və bu turizm növünün yerli əhalinin məşğulluğu baxımından əhəmiyyətini iştirakçıların diqqətinə çatdırmışdır. Daha sonra o, aqroturizm haqqında geniş məlumat verərək bu turizm növünün sosial, iqtisadi, mədəni faydalarını, bu sahədəki beynəlxalq təcrübəni ayrı-ayrı ölkələrin simasında iştirakçılara təqdim etmiş, Lənkəran rayonun aqroturizm potensiyalını və qanunvericilikdən irəli gələn məsələləri onlarla birgə müzakirə etmişdir.

Tədbir iştirakçılarından Vilvan kənd İƏD üzrə nümayədəsi Ağayar Yusubov, sahibkarlar Səxail Əzimov, Natiq Əliyev, İstisu qəsəbə İƏD üzrə nümayəndəsi Vaqif Bayramov, sahibkar Xanbala Məmmədov və digərləri layihənin əhəmiyyətindən söz açaraq, ölkənin bütün bölgələrində kənd təsərrüfatı və turizm sahəsində aparılan işlərin təqdirəlayiq olduğunu bildirmiş və bu sahələrin inkişafı üçün yeni sahə olan aqroturizmin inkişafının vacib olduğunu qeyd etmişlər. Onlar ərazidə təsərrüfatın və kirayə evlərin modernləşdirilməsinin vacibliyini diqqətə çatdırmışlar. Sahibkarlar həmçinin bu sahədəki təcrübələrini bölüşmüş və digər kənd sakinlərini də bu sahədə aktiv olmağa dəvət etmişlər.

Qeyd edək ki, layihənin həyata keçirilməsində məqsəd aqroturizm sahəsində əhali arasında maarifləndirmə işi aparmaq və stimullaşdırıcı tədbirlər həyata keçirərək bu istiqamətdə məşğulluğun artırılmasına dəstək olmaqdan ibarətdir.





Hörmətlə,



“Şəfəq” Ekoturizm İctimai Birliyinin

mətbuat xidməti