Ötən gün əməkdar artist Elza Seyidcahan Kütləvi İnformasiya Vasitələri və Həmkarlar İttifaqı tərəfindən “İlin şairəsi” mükafatına layiq görüldü.

... -ın məlumatına görə, E.Seyidcahan uğuruyla bağlı mətbuat konfransı keçirib və qonaq qismində iş adamı Hacı Quliyevi dəvət edib. Mətbuat konfransında çıxış edən iş adamı H.Quliyev adıçəkilən mükafata niyə məhz Elza Seyidcanın layiq görülməsinə münasibətini bildirib:

“Adətən mükafatlar il ərzində fərqlənən yaradıcı insanlara təqdim olunur. Əgər keçən ilə nəzər salsaq, Elza Seyidcahanın şeirləri ən çox müzakirə səbəbi olan şeirlər sırasında idi. Elza Seyidcahan Azərbaycan poeziya aləminə yeni azad və müasir şeir üslubu ilə də fərqləndi. Və nəticədə qısa müddətdə şeirləri ətrafına geniş oxucu kütləsi toplaya bildi.”

İş adamı kitabı olmayan şairə “İlin şairəsi” mükafatının verilməsi nə qədər düzgundür sualına belə cavab verib:

“Şeir üslubu müasir olduğu qədər də, şeirlərin yayılma üslubu da müasir və maraqlı oldu. Şeirlər sosial şəbəkələr vasitəsi ilə yayıldı. Nəzərə alsaq ki, sosial şəbəkələrin birində Elza Seyidcahan səhifəsinin 24.000 izləyicisi və bu şeirlər ildırım sürətiylə digər səhifələrdə də yer aldığından tez bir zamanda geniş oxucu kütləsinə çatdırıldı.”

E.Seyidcahanın piar və marketinq strategiyasıyla şəxsən ozü tərəfindən düzgün qurulmasından danışan H.Quliyev bildirib ki, onun nə etdiklərini illər keçəndən sonra dərk edirik:

“Uzun illər Elza Seyidcahanın heyvanların qorunmasına aid verdiyi konsert proqramının piar kampaniyasında səsləndirdiyi “Mən heyvanlara konsert verirəm” ifadəsi geniş bir kütləni və mediyanı bu günə qədər bu konsertdən danışmağa vadar etdi. Düşünürəm ki, illər keçəcək və məhz Elza Seyidcahana tam peşəkar şəkildə “Elza Seyidcahan” markasını yaratdığına görə dünya piar və marketinq mütəxəssisləri tərəfindən yüksək ad və titullarla təltif olunacaq.

Biz hər zaman Elza Seyidcahan şeirlərini və fəlsəfəsini gec dərk edirik. Bəlkə bu şeirlərə görə başımızda fırlanan yüzlərlə sualların cavablarını illər sonra tapacağıq.”