Yeni Nəfəs Hərəkatı təşkilat komitəsinin ilk iclası keçirilib. Təşkilat komitəsinin rəhbəri Seymur Həsənlinin verdiyi məlumata görə, iclasda bir çox məsələlər ətrafında müzakirələr aparılıb və qərarlar qəbul olunub: "Qurultay səlahiyyətli konfransın keçirilməsi barədə qərar qəbul olundu. Ayın sonu Beynəlxalq Mətbuat Mərkəzində iki hissəli qurultay səlahiyyətli konfrans keçiriləcək. Hərəkatın məramnaməsinin ilkin oxunuşu oldu və bəzi təkliflər irəli sürüldü. Yaxın üç gün ərzində məramnamə işləri tam yekunlaşacaq. Hərəkatın bayrağının qəbul olunması haqqında razılığa gəlindi. Konfransdan sonra həyata keçiriləcək Türkiyə və Kıbrıs səfərlərindən danışıldı və nümayəndə heyətinin tərkibi bəlli oldu. Bundan başqa, bütün təkliflərin toplanıb konfransdan sonra fəaliyyət proqramının tərtib olunması barədə qərar qəbul olundu"



S.Həsənli onu da bildirib ki, təşkilat komitəsinin tərkibi 21 nəfərdən ibarətdir: "İyirmi bir nəfərdən ibarət təşkilat komitəsi formalaşıb. Son iclasda dörd nəfər regionlarda olduğundan iclas 17 nəfərlə keçirilib. Komitə ictimai-siyasi təcrübəli gənclərdən, ayrı-ayrı sahələr üzrə ixtisaslaşmış kadrlardan ibarət vahid komandadan formalaşıb. Komandanın hər bir üzvü özünə və yoluna inamlıdır" - deyə S.Həsənli bildirib.



Yeni Nəfəs Hərəkatı

Mətbuat Xidməti