Bu tip xəritələrlə mən ilk dəfə deyil ki, tanış oluram. ABŞ Cənubi Qafqazda özünə ən yaxın tərəfdaş kimi Azərbaycanı görmək istəyir.



Bu sözləri Siyasi Araşdırmalar İnstitunun elmi əməkdaşı, analitik Ərəstun Baxşəliyev “Nyu-York tayms” qəzetində Böyük Azərbaycan dövlətinin yarana biləcəyi ilə bağlı gedən xəbəri şərh edərkən yazır.



“Və onu da istəyir ki, bu tərəfdaş dövlət onun istəkləri prizmasından məsələlərə yanaşsın. Xəritələrin yayılması çox böyük ehtimalla provakasion xarakterlidir. Digər yandan ona da inana bilmirəm ki, ABŞ və ya onunla daha sıx şəkildə tərəfdaş dövlətlər simasında çıxış edən Avropa dövlətləri belə bir xəritənin cızılmasına razı olsunlar. Çünki nə güclü Türkiyə, nə də güclü Azərbaycan dövləti Qərb maraqlarına tamamilə uyğun gəlmir. Bu kimi provakasiyaların arxasında əslində bir sıra maraqlar yatır. İrana mümkün müdaxilə zamanı Azərbaycandan faydalanaraq, onun ərazisindən istifadə etmək. Bunun isə olacağı qeyri-mümkündür. Bu ona görə mümkün deyil, ki, Azərbaycanın özünün öz siyasət kursu var və o buna sadiqdir”-deyə analitik qeyd edib.