№011/FV 31 oktyabr 2011-ci il



Mətbuat Xidmətinin



Məlumat















Milli Qurtuluş Partiyası Siyasi Şurasının növbəti toplantısı keçirilib. Toplantıda ölkədəki siyasi durum, “Xural” qəzetinə qarşı təzyiqlərin yeni mərhələsi və qəzetin baş redaktorunun həbsi və cari məsələlər müzakirə edilib. Müzakirələr barədə MQP Mətbuat Xidmətinə açıqlama verən MQP başqanı Vüqar Bəyturan aşağıdakıları bildirib: ”MQP Siyasi Şurası bir daha “Xural” qəzetinə qarşı təzyiqləri pisləməklə yanaşı, qəzetin baş redaktorunun barəsində əssasız ittihamlarla 3 aylıq həbs qəti imkan tədbirinin seçilməsinə qətiyyətlə etirazını bildirib, Əvəz Zeynallının təcili azadlığa buraxılmasını tələb edib. “Xural” qəzetinin susdurulması üçün reket qəzet elan edilməsini, çapına süni maneələr yaradılmasını, redaksiyada axtarış aparılmasını, baş redaktorun həbsi olaylarının ölkədə azad sözə, müstəqil mətbuata hücum kimi dəyərləndirən MQP Siyasi Şurası Azərbaycan hakimiyyətinin son addımlarının demokratik islahatlara deyil, irticanın gücləndirilməsinə istiqamət götürdüyünü təəsüflə vurğulayıb. MQP SŞ Avropa Şurası Parlament Assambleyasının Azərbaycanda siyasi məhbuslar üzrə məruzəçisi Kristofer Ştrasserin ölkəmizə buraxılmamasına da münasibətini açıqlayıb. Partiya rəhbərliyi Azərbaycan iqtidarını məruzəçini ölkəyə buraxmamaqdansa, onun gəlmə səbəblərini aradan qaldırmağa, siyasi məhbusları azad etməyə çağırıb”.



Mətbuat Xidmətinin



rəhbəri: Kənan Göytürk