DEMOKRATİYA UĞRUNDA İTTİFAQIN



MƏTBUAT XİDMƏTİNİN



MƏLUMATI







DUİ 2 aprel aksiyasında polis zorakılığını pislədi







DUİ həbs olunanların hüquqlarının müdafiəsi komitəsində təmsil olunacaq







DUİ Sədrlər Şurasının növbəti toplantısı keçirilib. Toplantıda qərarların icra vəziyyəti, İctimai Palatanın 2 aprel tarixində keçirdiyi etiraz aksiyasında baş verən polis zorakılığı və həbslər, ölkədəki siyasi durum, DUİ-nin qarşısında duran vəzifələr və cari məsələlər müzakirə edilib.



DUİ Sədrlər Şurası 2 aprel aksiyası zamanı polislərin xüsusi qəddarlıq göstərməsini, həyata keçirilən həbsləri, sərbəst toplaşmaq azadlığının növbəti dəfə kobud surətdə pozulmasını pisləyib, həbs olunan fəalların təcili azadlığa buraxılmasını tələb edib. DUİ Sədrlər Şurası bir daha hakimiyyəti sərbəst toplaşmaq azadlığını məhdudlaşdıran siyasətə son qoymağa, şəhərin mərkəzində aksiyaların keçirilməsi üçün müvafiq yerlər ayırmağa çağırıb.



DUİ Sədrlər Şurası həbs olunanların hüquqlarının müdafiəsi ilə məşğul olacaq qurumun işində iştirak etmək barədə də qərar qəbul edib.



DUİ Sədrlər Şurası Azərbaycanda fəaliyyət göstərən beynəlxalq təşkilat və demokratik ölkələrin səfirlikləri ilə görüşlər keçirmək və əməkdaşlıq münasibətləri yaratmaq istiqamətində addımlar atmaq haqqında razılığa gəlib.



Demokratiya Uğrunda İttifaq 2007-ci ildə təsis olunub. Quruma Azadlıq, Milli Qurtuluş və Azad Azərbaycan Partiyaları daxildir.







Mətbuat Xidmətinin rəhbəri: Rüfət Türkalp