№064/506 28 yanvar 2011-ci il

Mətbuat Xidmətinin

Məlumatı

Milli Qurtuluş Partiyası Novxanı ziyarətindən imtina etdi



Vüqar Bəyturan:”AXCP və Müsavatla eyni tədbirdə iştirak etmək istəmirik ”



Demokratiya Uğrunda İttifaqın Sədrlər Şurasının son toplantısında 31

yanvar tarixində saat 12-də Novxanı kəndində Məmməd Əmin Rəsulzadənin

doğum günü ilə əlaqədar tədbir keçirilməsi qərara alınıb. Bu qərardan

1 gün sonra AXCP və Müsavat Partiyaları da eyni saatda eyni yerdə

tədbir keçirmək barədə qərar qəbul edib. Tədbirlərin birləşdiriləcəyi

təqdirdə iştirak etməyəcəklərini bildirən MQP başqanı, DUİ Sədrlər

Şurasının üzvü Vüqar Bəyturan partiya üzvlərinin AXCP ilə Müsavatın

qatıldığı tədbirlərdə iştirakın əleyhinə olduğunu deyib. Vüqar

Bəyturan DUİ-ni ayrıca güc mərkəzi və milli demokratik düşərgə kimi

ictimai fikirdə qəbul olunduğunu, AXCP ilə Müsavatın isə liberal

demokratik dəyərləri daşıyan güc mərkəzi olduğunu qeyd edib. “Müsavat

Avropa Liberal Demokrat İttifaqının üzvü, AXCP ilə liberalizmin hər

zaman müdafiəçisi olub. İdeoloji baxımdan onların Rəsulzadəni

özününküləşdirilməsi absurddur. Bu qüvvələrlə bir yerdə olmaq bizə

başucalığı gətirmir”-deyən MQP lideri bu tip tədbirlərin kənd

miqyasında keçirilməsini də qəbul etmədiklərini, Məmməd Əmin

Rəsulzadənin anım tədbirlərini, habelə 28 may Cumhuriyyət bayramını

mərkəzdə, böyük zallarda və ya mitinqlərlə qeyd olunmasını daha

məqsədə uyğun saydığını bildirib.



Mətbuat Xidmətinin

rəhbəri: Kənan Göytürk