Əzizim, bax Turanda,

Özbəklər, Türkmənlər,

Qazaxlarla Qırğızlar,

Birgələr Qan Qardaşlar.



Əzizinəm Göyçəmə,

Dağ çəkiblər sinəmə.

Yağı düşmən dəyişib,

“Sevan” deyib Göyçəmə,



Əzizim Borçalıya,

Dön bax bir Borçalıya.

Yurdunda tək, qəribdir,

Arxa dur Borçalıya!



Əzizim Naxçıvana,

Yol gedir Naxçıvana.

Qoynunda bəsləyibdir,

Ərənləri Mərd Ana.



Əzizinəm Qarsa gəl,

Ərzuruma, Sivasa,

Trabzonun o yanı,

Günəşli Samsuna gəl!



Əzizinəm Qubaya,

Gəlin gedək Qubaya.

Ağ alması, havası,

Şəfa başdan ayağa.



Əziziyəm Bərdəyə,

Qonaq gəlin Bərdəyə.

İgid oğul, qızları,

Qiymət verər əməyə



Əzizim Sabirabad,

Kürə olub qol qanad.

Bol qovunlu, qarpızlı,

Günəşli şəhər, abad.



Əzizinəm Kürdəmir,

Ağa nədir, Xan nədir.

Burada hər kimsələr,

Kecirəməz söz, əmir.



Əzizinəm Ağsuda,

Dövlət qurub gediblər,

Qaraqoyun Yusiflə,

Uzun Həsən Ağqoyun.



Əzizinəm Şamaxı,

Yaddan cıxmaz hec zaman.

Şairlərin məskəni,

Aşıqların ney, sazı.



Əzizinəm Göyçaydan,

Paydır bağça bağından.

Ellərə səs salıbdır,

Göyçay təkcə narından.



Əzizinəm Oğuza,

Dədələrin Türklərin.

Nəsillərin yenilməz,

Adı məğrur tək uca.



Əzizim Lənkərana

Limon, Çay, Hava, İqlim

Bərəkət, ruzi, paydır,

Tanrıdan Lənkərana.



Əzizim Daşkəsənə,

Baxaq bir daş kəsənə.

Bəxtəvərsən deyirəm,

Xoşbulağı gəzənə.



Əzizim Turana gəl,

Allaha, imana gəl!

Birlik, qüvvət istəsən,

İslama, Qurana gəl!



Almaniya, Oktyabr 2010