Bakı, AzerHasret.com, 04.11.2010 – Builki seçki kampaniyası həm də deputatlığa namizədlərin çağdaş informasiya-kommunikasiya texnologiyalarından istifadə imkanlarını aşkara çıxarmaq baxımından diqqəti cəlb edir. Xəbər verdiyimiz kimi bir neçə İnternet resursunda dairələr üzrə virtual səsvermə də təşkil edilib və bu da olduqca yüksək maraqla qarşılanıb. Belə səsvermələrdən biri artıq noyabrın 3-ü saat 24.00-da başa çatıb. Sonuclar isə kifayət qədər maraqlıdır.



34 saylı Xətai II seçki dairəsi üzrə sonuclara görə buranın qalibi birmənalı şəkildə müəyyən edilmişdir. Bu isə elə bütün seçki kampaniyası dövründə diqqəti öz üzərinə çəkməyi bacarmış Azər Həsrətdir. Söhbət Secki2010.info ünvanında keçirilən virtual səsvermədən gedir.



Beləliklə, noyabrın 3-ü saat 24.00-da səsvermənin dayandırıldığı resursun 34 saylı Xətai II seçki dairəsi üzrə 12 namizəd arasında ilk üçlüyünə aşağıdakılar daxil olmuşdur: bağımsız namizəd Həsrət Azər Hacıqulu oğlu, AXCP-Müsavat blokunun vahid namizədi Nəsibli Nəsib Loğman oğlu və Yeni Azərbaycan Partiyasının namizədi Əhmədova Gülər Mikayıl qızı.



Rəqəmlərlə ifadə etsək, bu dairə üzrə ümumilikdə 733 nəfər səs vermişdir. Bunlardan 301 nəfəri və ya 41 faizi Azər Həsrəti dəstəkləmişdir. 172 nəfər və ya 23 faiz seçici isə seçimini Nəsib Nəsiblinin üzərində dayandırmışdır. Hakim partiyanın namizədi Gülər Əhmədova 103 səs və ya 14 faizlə 3-cü yerdə möhkəmlənmişdir. Digər namizədlər isə elə də diqqət çəkən səs toplaya bilməmişdir.



Sonuclarda diqqət çəkən bir neçə məqam vardır. Hər şeydən öncə nəzərə almaq lazımdır ki, elmi əsasları olmasa da bu səsvermə virtual aləmdə kimin daha güclü olmasını müəyyən etmək baxımından önəmlidir. Göründüyü kimi dairənin qalibi Azər Həsrət özünün strukturlaşmış resursları olan hakim Yeni Azərbaycan Partiyası və sıralarında iki əsas müxalif partiyanı birləşdirən AXCP-Müsavat blokuna qarşı nəinki dirəniş göstərə bilmiş, hətta onları ciddi səs fərqi ilə geridə buraxmağa nail olmuşdur: AXCP-Müsavat blokunun namizədi 18 faiz, YAP-ın namizədi isə 27 faiz fərqlə Azər Həsrətdən geridə qalır. Əlbəttə ki, bu fərqi heç də həmin partiyaların özlərinin zəifliyi kimi yozmaq doğru olmazdı. Bu, sadəcə onların namizədlərinin imkanlarının göstəricisi kimi qəbul edilməlidir. Üstəlik nəzərə alsaq ki, Azər Həsrətin hər iki rəqibi həm də hazırda fəaliyyətdə olan millət vəkilidir, o zaman bağımsız şəkildə bu səsvermədə qalib gələn namizədin gücünün ciddiliyi diqqəti çəkməyə bilməz.



Yeri gəlmişkən onu da əlavə edək ki, bu faizlər əslində dairə ərazisindəki gerçək durumu da ehtiva edir. Çünki son araşdırmalara görə, Azər Həsrətin elə yuxarıdakı göstəricilərə yaxın rəqəmlərlə qalib gəlmə şansı artıq hamı tərəfindən qəbul edilir. Bu isə ondan xəbər verir ki, o, öz seçki kampaniyasını yetərincə uğurlu şəkildə təşkil edə bilib.







Secki2010.info saytının sonucları



Azər Həsrətin seçki qərargahı



http://www.azerhasret.com/?p=2057