CanAzərbaycan Televiziyasının və İzmir Azərbaycanlıları Kültür Mərkəzinin rəhbəri Camal Mehmetxanoğlu ilə Beynelxalq Dədə Qorqud Fondunun prezidenti və “Azərbaycan Dünyası” jurnalının baş redaktoru Eldar İsmayılov görüşüblər



Görüş haqqında ətraflı məlumatı Beynelxalq Dədə Qorqud Fondun mətbuat xidmətindən verilib. Görüşdə hər iki diasporçu gördükləri işlər haqda məlumat veriblər. Camal Mehmetxanoğlu bu günlərdə Türkiyədə internet vasitəsilə yayıma başlayan CanAzərbaycan Televiziyasının fəaliyyəti haqqında danışaraq, kanalın gələcəkdə peyk vasitəsilə yayımlamağı düşündüklərini haqqında bilgi verdi. İzmirdə 20 mindın çox azərbaycanlının yaşadığını deyərək, əsas da onların yaxşı təşkilatlandığını, artıq onların içərisində universitetlər və elm-tibb ocaqlarında çalışırlar. Bundan sonra da, Azərbaycan həqiqətlərinin dünya ictimaiyyətinə çatdırılması istiqamətində işlərini gücləndirəcəklərini qeyd edən Camal Mehmetxanoğlu, Beynelxalq Dədə Qorqud Fondunun və “Azərbaycan Dünyası”jurnalının ofisində olmaqdan məmnun olduğunu söylədi. Camal bəy, bundan sonra fondun məlumatlarını öz saytlarında geniş işıqlandıracaqlarını söylədi.

Fondun və jurnalın baş redaktoru, tanınmış ziyalı Eldar İsmayılov isə jurnalın və fondun fəaliyyət istiqamətləri haqqında Camal Mehmetxanoğluna məlumatlandırıraq, xüsusilə xarici ölkələrdə fondun uğurlu işlər apardığını, dünya azərbaycanlıların təşkilatlanması istiqamətində bir sıra layihələrə həyata keçirdiyini bildirdi. “Azərbaycan Dünyası” jurnalı on min tirajla çıxdığını, jurnalın əsas hissəsinin xarici ölkələrə yaylıldığını qeyd edən fondun prezidenti, fondun və jurnalın əsas fəaliyyət istiqamətlərindən biri də xarici ölkələrdə Azərbaycanı sevən, tanıdılması yolunda işlər görən şəxsləri medallarla təltif edildiyini və bundan sonra da, bu işlərin davamlı olaraq aparılacağını qeyd etdi.

Sonra görüş maraqlı fikir mübadiləsi ilə davam edib.



Elnur Eltürk