№022/464 18 iyun 2010-cu il

Mətbuat Xidmətinin

Məlumatı



MQP 26 iyun tarixində azad seçki, blogerlərin azadlığı və mitinqlər üçün şəhərin mərkəzində yerlərin ayrılması tələbləri ilə Prezident Administrasiyasının önündə aksiya keçirəcək



Vüqar Bəyturan:”MQP SŞ 19 iyun tarixində “Azadlıq” bloku tərəfindən keçiriləcək aksiyanı dəstəkləyir”



MQP başqanı Vüqar Bəyturan partiyanın Siyasi Şurasının 26 iyun tarixində Azərbaycan Respublikası Prezident Administrasiyasının önündə etiraz aksiyası keçirmək barədə qərar qəbul etdiyini bildirib. Aksiyanın azad seçki, gənc blogerlərin azadlığa buraxılması və mitinqlər üçün Bakı şəhərinin mərkəzində yerlərin ayrılması tələbləri ilə keçiriləcəyini söyləyən partiya lideri bu gün bununla bağlı Bakı Şəhər İcra Hakimiyyətinə müraciət ünvanlayacaqlarını qeyd edib. Məktubda aksiyanın məqsədi və iştirakçıların sayı ilə bağlı məlumatın olacağını deyən Vüqar Bəyturan BŞİH-dən icazə istəməyəcəklərini, sadəcə iştirakçıların təhlükəsizliklərinin təmin olunması barədə xahiş edəcəklərini bəyan edib. DUİ-də təmsil olunan müttəfiqlərinin aksiyaya dəstək verib-verməyəcəyinə aydınlıq gətirən Milli Qurtuluş Partiyasının rəhbəri onlara bu barədə müraciət olunmadığını açıqlayıb. MQP SŞ eyni zamanda 19 iyun tarixində “Azadlıq” bloku tərəfindən keçiriləcək aksiyaya da dəstək barədə qərar verib.





Mətbuat Xidmətinin

rəhbəri: Kənan Göytürk