Belçikada “Azərbaycan Günü” keçiriləcək.



Ayhan Dəmirçi: “Məqsədimiz Azərbaycanı Belçika içtimaiyyətinə daha yaxşı tanıtmaqdı.”



Şərqin ilk demokratik dövləti olan, Azərbaycan Demokratik Respublikasının yaranmasının il dönümü ilə bağlı Belçikanın Limburq dairəsində Azərbaycan-Belçika Dostluq Cəmiyyətinin təşkilatçılığı “Azərbaycan Günü” keçiriləcək. Bu haqda məlumatı media Belçikanın Limburq dairəsində fəaliyyət göstərən Azərbaycan-Belçika Dostluq Cəmiyyətinin başqanı, fəal diasporçu Ayhan Dəmirçi verib. Ayhan Dəmirçi fikirlərini davam etdirərək bildirib ki, tədbir may ayının 29-30 arası baş tutacaq. Həmin gün Belçikada yaşayan türk insanlarında təşkil olunan Limburq Rengers futbol klubu (klubun tərkibində Belçikalılarda var.) və Hollandiyanın De-Haaq şəhərində fəaliyyət göstərən Azərbaycan-Türk Mədəniyyət Mərkəzinin futbol klubu qarşılaşacaq. Yarış Azərbaycan adı altında baş tutacaqdır.



Eyni zamanda, tədbir idman yarışı ilə bərabər olaraq floklar, musiqili proqramlarlada davam edəcək. Tədbirin dahada maraqlı keçməsi üçün, Hollandiya Azərbaycan-Türk Mədəniyyət Mərkəzinin nəzdində fəaliyyət göstərən rəqs ansamblı öz bacarıqlarını göstərəcək və uşaqlar üçün tamaşalar təqdim olunacaq. Bununla yanaşı Türkiyədən sənətçi Gingiz Öszunun iştirakı gözlənilir.

Gecədə, həmçinin Azərbaycan səfirliyi tərəfindən təqdim olunan bir neçə xarici dildə olan Azərbaycan haqqında broşuralar, kitablar iştirakçılara paylanacaq. Əsas məqsəd Azərbaycan xalqının malik olduğu milli mənəvi dəyərləri, onun tarixini, ədəbiyyatını, coğrafiyyası, iqtisadiyyatı, turizmi haqqında kitab və broşuralarla Belçika insanına yaxşı tanıtmaqdı. Xüsusilə, bu, aksiya insanların çoxluq olduğu yerdə stand (çadır) təşkil edilərək çatdırılacaq.



“Avropa insanı bilməlidir ki, Azərbaycan şərqin ilk demokratik dövlətini qurub və bu dövlət şərqdə ilk dəfə qadınlara səs vermək hüququnu verib. Ondan bir neçə il sonra Amerikada yaşayan qadınlar səsvermək hüququna malik oldular. İndi erməni diasporu dünyada türklərin vəhşi qaniçən obrazını yaratmaq üçün, bütün vasitələrdən istifadə edirlər. Ancaq, o, zaman ADR parlamentində 21 erməni millət vəkili var idi. ADR-in demokratikliyini təsdiq edən amillərdən biridə onun milli azlıqlarla bağlı yürütdüyü ədalətli siyasət idi. Ən qısa zamanda aparılan uğurlu demokratik islahatlardan, həmin dövrdə ADR avropa dövlətləri ilə qurmaq istədiyi əlaqələrin tarixindən avropa insanı bilgələnsə, bu amillər ölkəmiz haqqında daha düzgün fikrin formalaşmasına kömək ola bilər. Digər tərəfdən, belə aksiyalar ermənilərin antiazərbaycan, antitürk təbliğatına qarşı cavabdır. Xüsusilə də, bu, tədbirlər Avropada yaşayan insanlarımızın milli birliyini stimullaşdırır” deyə Ayhan bəy bildirdi. Son olaraqda fəal diasporçu Belçikada yaşayan soydaşlarımızın tədbirdə fəal iştirak etməyə dəvət etdi.



Elnur Eltürk