Xəbər verdiyimiz kimi I Böyük Turan Qurultayına hazırlıq prosesi çərçivəsində Türkiyədə səfərdə olan Ümid Partiyası sədrinin ideoloji - t əbliğat və gənclərlə iş üzrə müavini Taleh Əliyev və Dünya Azərbaycanlıları Konqresi Gənclər Təşkilatı başqanı, “Yeni Nəfəs” qəzetinin qurucusu və yönətim başqanı, I Böyük Turan Qurultayının Azərbaycan üzrə təşkilat komitəsinin rəhbəri Seymur Həsənli mayın 11-də növbəti görüşlərini keçirmişlər.

İlk görüş Türkiyə Strateji Araşdırmalar mərkəzinin başqanı Sinan Oğanla gerçəkləşdi. Səmimi və işgüzar şəraitdə keçən görüşdə qarşılıqlı maraq doğuran bir sıra təkliflər səsləndirilmişdir. Belə ki, Sinan bəy hər bir düşüncə sahibinin öz siyasətini formalaşdırarkən sistemli və ardıcıl proqrama sahib olmasının vacibliyini vurğuladı. Təmsil etdiyi mərkəzin də öz işini bu prinsiplər əsasında qurduğunu söylədi. DAK Gənclər Təşkilatı başqanı Seymur bəy təmsil etdiyi təşkilatdakı gənclərin TÜRKSAM-da təcrübə keçməsi üçün gərəkən proqramla maraqlandı. Taleh Əliyev öz növbəsində TÜRKSAM-ın təcrübəsinin Azərbaycanda tətbiq və təbıiğ olunmasının mühümlüyünü vurğuladı.

Görüşdə İğdır Kültür Dərnəyinin başqanı Ənvər Türkoğlu və başqan yardımçısı Eyyub Kartalkaya da iştirak edirdi. Kültür Mərkəzinin məqsəd və məramı haqqında qonaqlara məlumat verən Ənvər bəy qeyd etdi ki, əsas hədəfimiz İğdır kültürünü təbliğ eməklə yanaşı Azərbaycan gerçəklərini də Türkiyə ictimaiyyətinə çatdırmaqdır. Daha sonra çıxış edən başqan yardımçısı Eyyub bəy isə Kültür Mərkəzinin hər bir azərbaycanlının öz doğma evi olduğunu bildirdi.

Türk Tarix Qurumunun başqanı Ali Birincini də ziyarət edən qonaqlar səfərlərinin məqsədi barəsində onu da məlumatlandırdılar. Öz növbəsində Ali Birinci qonaqlara işlərində uğurlar arzulamaqla yanaşı Türk Dünyasının bir-birilərini daha yaxından tanıması üçün öz tarixlərinin öyrənilməsinin vacibliyini vurğulayaraq bu işdə azərbaycanlı tarixçilərə öz əsərlərini nəşr etdirməkdə yardımçı olacağını bildirdi. “Biz artıq bu prosesə tatar türklərinin tarixini nəşr etdirməklə başlamışıq və çox istərdik ki, analoji işi Azərbaycan tarix kitabının nəşri ilə davam etdirək.” Ali Birinciyə təşəkkür edən Taleh Əliyev və Seymur Həsənli bu təklifi Azərbaycanın aidiyyatı dövlət orqanlarının və araşdırmaçı tarixçilərin nəzərinə çatdıracaqlarını bildirdilər.





EKLER: