DAK Qadınlar Şurası və Azərbaycan Dünyası “Dədə Qorqud” Milli Fondu Yazıçılar Birıiyinim Natavan klubunda şairə Şərafət Əbdülcəlil qızı İdrisovanın anadan olmasının 70, yaradıcılığının 50 illiyi münasibəti ilə ədəbi-bədii gecə keçirib. Tədbirin aparıcısı, DAK Qadınlar Şurasının sədr müavini Sara Göyçəli şairə haqqında tədbir iştirakçılarına məlumat verərək, onun yaradıcılığından danışıb. DAK Qadınlar Şurasınını sədri Dünyaxanım Əliyeva Ş.İdrisovanın ədəbi yaradıcılığından və ictimai fəaliyyəti haqda məlumat verib. O, bildirib ki, Azərbaycan ədəbiyyatında özünəməxsus əsərlərin müəllifi hazırda çox çətin şəraitdə yaşayıb yaradır. O əlaqədar qurumları şairəyə kömək etməyə çağırıb.

Tədbirdə DAK fəxri sədri, prof. Qulamrza Səbri Təbriznin çıxışı Azərbaycanın bütövləşməsində qadınların rolu məsələsi üzrində quruldu. “Mən şeir səsləndirməyi sevən adam deyiləm. Baxmayaraq ki, yazıram. Amma məhz qadınların şərəfinə burda bir şeir səsləndirəcəm. Azərbaycan qadının millətin oyanışında rolu əvəzsizdir. Məni anam Təbrizdə 40 il gözlədi ki, qayıdaram. Amma qayıda bilmədim.”

Daha sonra şairə Şərafət Əbdülcəlil qızı İdrisova DAK Qadınlar Şurasının və Azərbaycan Dünyası “Dədə Qorqud” Milli fondunun birgə təsis etdiyi diplomla təltif edilib. Müxtəlif çıxışlar oldu və şeirlər səsləndi.

Tədbirdə tanınmış ictimai-siyasi xadimlər və milli məclisin deputatları istirak ediblər.

Xatırladaq ki, Ş. İdrisova 22 aprel 1939-cu ildə Dağıstanın Rutullu rayonunun Çilixor kəndində, ziyalı ailəsinda anadan olub. Azərbaycan Dövlət Universitetinin jurnalistika fakultəsini bitirib. Uzun illər “Azərbaycan Qadını” jurnalında, Cəfər Cəbbarlı adına kinostudiyada və Azərbaycan Televiziyasında çalışıb. 70 yaşlı şairənin bu günə qədər 7 kitabı işıq üzü görüb.

1975-ci ildə “Mən dağlar qızıyam” adlı şer kitabı rus dilinə tərcümə edilib.

Sara Göyçəli (Şərifova)