Ayhan Dəmirçi: “Barak Obama saxta “erməni soyqırımı”nı tanısaydı, bu addım Azərbaycan və Türkiyədə Amerika əleyhinə güclü etirazların baş qaldırılmasına səbəb ola bilərdi.”



Amerika prezidenti saxta “erməni soyqırımı” kəlməsini işlətsəydi və şübhəsiz ki, bu açıqlama Türkiyə və Azərbaycanda Amerikaya qarşı güclü etirazların baş qaldırmasına səbəb olmaqla yanaşı, Amerikanın yaxın və orta şərqdə yürütdüyü siyasəti də təhlükə altında sala bilərdi. Bu dəfədə Obama “Böyük Fəlakət” sözü ilə erməniləri yola verdi. Hazırda, Amerika üçün əsas dövlət maraqlarıdır və bundan sonra, 3 və 4- cü məsələlər gəlir. Barak Obama administrasiyası dövlət maraqlarına uyğun addım atdılar. Son vaxtlar Avrasiya bölgəsində Amerikanın yürütdüyü antitürk siyasəti-bumeranq kimi, onun özünə qaydacaqdır. İndi Cənubi Qafqazda ciddi proseslər müşahidə olunmaqdadır. Amerika konkret olaraq ermənilərin marağına cavab verən siyasət yürütsə, Azərbaycanı, Türkiyəni itirməyə məcbur olacaq. Buda rəsmi Vaşinqtona sərf etmir. Bugün faktiki olaraq Amerikanın özündə yaxşı bilirlər ki, belə hadisə baş verməyib və bu işlə məşğul olan insanlara suallar veriləndə, həmin dövrdə nə qədər erməni yaşayırdı, hadisələr neçə cərəyan edib, bu suala tam cavab verə bilməyəcəklər. Çünki, hadisələrin mahiyyəti faktoloji prinsiplərə söykənmir. Sadəcə olaraq bu, faktor Amerikaya ona görə lazımdır ki, Türkiyə dövlətinə müəyyən məsələlərdə təzyiqlər etsinlər. Bu fikirləri Dünya Azərbaycanlıları Konqresi Strateji Araşdırmalar Mərkəzinə Azərbaycan-Belçika Dostluq Cəmiyyətinin başqanı, fəal diasporu Ayhan Dəmirçi bildirib. Heç bir dövlət Türkiyə ilə, təzyiq dilində danışa bilməz və hansısa bir qərarın məcburi şəkildə qəbul edilməsi mümkünsüzdür.



Ayhan bəy onu qeyd edib ki, hazırda türk-azərbaycan diasporu güclənir və bu amili amerika və qərb dövlətləri nəzərə almaya bilməzlər. Bütün avropaya boyu keçirilən etiraz aksiyalarıda sübut etdi ki, türk milləti həll edici məsələlərdə vahid mövqeyini ortaya qoyur və düşmənlərini geri çəkməyə məcbur edə bilirlər. Bundan sonra, türk dünyasına qarşı gələcək, hər hansı antitürk hərəkətlər sərt təpki ilə qarşılanacaq.



Bundan sonra, ermənilər hansı addımı atacaqlar sualına müsahibimiz bildirir ki, indi onlar şok vəziyyətindədirlər. Ancaq buna baxmayaraq onlar öz fəaliyyətlərini davam etdirəcəklər. Türk-Azərbaycan diasporu əvvəllər, neçə birgə işləyirdilərsə bundan sonrada, davamlı olaraq çalışmalıdırlar. Sistemli iş nəticə etibarı ilə, ermənilərin apardığı təbliğatın qarşısını aldı və alacaqda.



Türkiyə-Ermənistan sərhədlərinin açılması ilə bağlı sualımıza Ayhan bəy: Ermənilər sadəcə olaraq dünyada gedən geosiyasi proseslərin içərisində kiçik fiqurlardır. Bölgədə əsas proseslər türklərin oyundan kənarlaşdırılmasına hesablanıb. Konkret olaraq sərhədlərin açılmasına məsələsinə gəldikdə-bu mümkün deyil. Türk xalqı buna imkan verməyəcək.



Elnur Eltürk