Belçikanın Beringen şəhərində Limburk Azərbaycan-Belçika Dostluq Cəmiyyətinin təşkilatçılığı ilə möhətəşəm Novruz (Bahar və Ergenekon) törəni keçirilib. Bu haqda məlumatı Limburq Azərbaycan-Belçika Dostluq Cəmiyyətinin başqanı, tanınmış diasporçularımızdan olan Ayhan Dəmirçi verib. Tədbir 500 nəfər insanın iştirakı ilə keçirilib və Beringen Alyansı Dügün Salonunda baş tutub. Həmişə olduğu kimi möhtəşəm tədbir Azərbaycan,Türkiyə,Belçikanın milli bayraqlar bəzədilmişdi və milli rəqslər, yaylılar altında keçib.



Tədbirə Azərbaycan dövlətinin Belçikadakı səfirliyinin birinci katibi Ayaz Qocayev, səfirliyin əməkdaşı Toğrul Məlikov, Belçika Federal Millətvəkili Hilal Yalçın, Evere Bələdiyyə Məclis üzvü Nəbahat Acar, Doğuş Dərnəyi başqanı Nurten Yalçın, Beringen Müzik Klübü başqanı İsmail Erdoğda dəvətlilər arasında idilər.



Limburk Azərbaycan-Belçika Dostluq Cəmiyyətinin başqanı Ayhan Dəmirçi çıxış edərək tədbir iştiakçıları salamladıqdan sonra, Ergenekon bayramı türkün qədim bayramlarından biri olduğunu və belə bir möhtəşəm tədbirində keçirilməsi təsdiq edir ki, türk milləti öz milli bayramını unutmadığını və dünyanın harasından yaşamasından aslı olmayraq soydaşlarımız tərəfindən yaşatdıqlarını göstərir. Xüsusilə Novruz bayramını BMT tərəfindən beynelxalq bayram kimi qəbul olunması-Novruzun bəşəri bir bayram olduğunu rəsmiləşdirdi.



Azərbaycanın Belçikadakı səfirliyinin birinci katibi Ayaz Qocayev,səfirliyin əməkdaşı Toğrul Məlikov, Belçika Federal Millətvəkili Hilal Yalçın çıxış edərək milli bayramlarımız türk toplumunun milli mədəni-sosial birliyinə xidmət etdiyini və tədbirin təşkilatçılarına öz təşəkkürlərini çatdırıblar.



Sonra tədbir bədii hissə ilə davam edib. Azərbaycandan gələn sənətkarlar Elşən Mansuroğlu (Kaman), Əliağa Sadıqyev (Tar) ve muğam xanəndəsi Teyyub Aslanovun ifalarında könülləri fəht edən muğam və milli musiqilər insanları coşdurdu. Gökhan Gökyıldız, Nejat Yalçın və Sezgin Tekininin təşkil etdiyi “Fırtına qrupu” Azərbaycan mahnıları və türkləri ilə davam edib.



Tədbirin digər özəlləyi onda idi ki, çıxışlar Azər Dəmirçi və Pınar Aras tərəfindən flamant və türk dilinə tərcümə edilirdi.



Sonda Ayhan Dəmirçi Limburk Azərbaycan-Belçika Dostluq Cəmiyyətinin İdarə heyətinin üzvlərinə, fəallarına türk dünyasının ən önəmli milli bayramını reallaşmasında əziyyət çəkmiş insanlara öz təşəkkürünü bildirib.



Elnur Eltürk