... məlumatına görə, bu barədə bu gün jurnalistlərlə görüş keçirən yaradıcı kollektiv yeni işləriylə bağlı məlumat veriblər. Tədbiri idarə edən jurnalist Fuad Mədətov bildirib ki, yaradıcı iş "Qayıt, ömrümə, günümə!" adlı mahnıya çəkilən klipdir. Sözləri, musiqisi və aranjeman müəllifi Xəyal Xəlilzadəyə məxsus olan mahnının ifaçısı, gənc müğənni Cahan Hacıyevadır.



Klipin rejissor Elnur Əliyev təəssüratlarını bölüşüb və o, qeyd edib ki, klip Gürcüstanda Tiflis şəhərində çəkilib:

“Klipin ərsəyə gəlməsində yalnız azərbaycanlılar çalışıb. Klipdə Cahan Hacıyevanın istifadə etdiyi geyimlər modelyer-rəssam Mehriban Əfəndi məxsusi müğənni üçün hazırlayıb. Çəkiliş müxtəlif məkanlarda baş tutub. Üstünlüyü daha çox açıq havaya yönəltmişik. Yay ab-havasında çəkilən klipdə təbii effektlərdən istifadə etmişik.”

E.Əliyev onu da əlavə edib ki, klipin operatoru Vüqar Əliyev və prodüseri Aysel Məmmədovadır.

Tədbir zamanı ziyafət təşkil olundu və qonaqlarla birgə üzərində Cahan Hacıyevanın şəkli olan şirniyyat kəsildi.

Ümumiyyətlə, tədbirdə pedaqoq, müğənni Cavid Hüseyn, gənc müğənni Nihad Məlik, prodüser Namiq Qafarov və onun qrupu, o cümlədən, başqa mədəniyyət və incəsənət nümayəndələri iştirak ediblər.