Demokratiya nağılı Biri var idi biri də yox idi. Azərbaycanın bir oğlu varıydı... Azərbaycanın Sosializm adlı oğlu 70 yaşında vəfat etdi. Daha doğrusu öldürüldü. Bütün bunlardan sonra şaiə gəzməyə başladı ki, bəs Azərbaycan yenə hamilədi. Bir müddət sonra məlum oldu ki, bu şaiə yox, həqiqətdir. Doğumaqədər ki,müddət həddindən artıq çətin keçdi. Rusiya doğulacaq bu uşağın Azərbaycana başağrısı olacağını bildirsə də, ABŞ və Qərb ölkələri bu fikirləri təkzib etdilər və doğumun ən yüksək səviyyəli xəstəxanalarda – BMT-də, Avropa İttifaqında həyata keçirilməsinə milyonlarla dollar vəsait xərclədi. Hətta doğulacaq bu uşağın gələcəkdə hərbi xidmətini NATO-da keçirməsini də planlaşdırmışdılar. Çox ağrılı keçsə də, uşaq doğuldu və bütün dünya bu uşağın qəribəliyinə məəttəl qaldı. Uşaq şikəst idi. Bütün bunlara baxmayaraq, o özünü dünyaya göz açdığı ilkin vaxtlarda normal aparırdı. Amma Demokratiya adlı bu uşaq böyüdükcə kobudlaşmağa başladı: doğru söz deyənləri döymək, özündən böyüklərə söz qaytarmaq, pulunu necə gəldi xərcləmək kimi bir çox pis xarakterləri onun həyat tərzinə çevrildi. ABŞ və Qərb ölkələri isə öz tərbiyəli, ağıllı oğullarına baxıb , Azərbaycanın tərbiyəsiz oğlu ilə müqaisə aparanda anladılar ki, səhv ediblər. Bəlkə də Qərbin demokratiya adlı oğlu yaşının çox olması ilə əlaqədar özünü ağır aparır? Axı onun 200 yaşı var. Azərbaycanın bu uşağının isə hələ cəmi 15 yaşı var. Bəlkə gələcəkdə Bizim Demokratiya da ağıllanacaq. Vaxtilə Azərbaycan ümid edirdi ki, mənim Demokratiya adlı oğlum böyüyəcək və Qarabağı geri qaytaracaq. İndi isə azərbaycan anlayıb ki, bu fəhmsiz oğuldan ona zərrə qədər də xeyir gələsi deyil. Amma neyləyəsən? İtdi, qurtdu öz oğulumuzdu.Gərək özümüz tərbiyələndirək. Rusiya bildirir ki, mən sizə demişdim bu uşaq bekara uşaq olacaq. Axı onun atası Qərblidi. Olan olub. Verin o uşağınızı 2 günə tərbiyələndirim. Qərb isə deyir ki, səhvi biz eləmişik, özümüz də düzəldəcəyik. İndi Azərbaycan iki od arasında qalıb. Bəlkə bu tərbiyəsizi özümüz ağıllandıraq? Ya da öldürək. Sosializmdən artıq oğul deyil ki? Onu öldürdük, bunu da öldürək.