Türkiyə və Azərbaycan erməni məsələsində birgə fəaliyyər göstərməli və əsasən də dünyada ciddi lobbi çalışmalarını gücləndirməlidirlər.



Bu sözləri Anadolu Aydınlar Birliyinin sədri, professor İbrahim Öztek Bakıda keçirilən Türkdilli Dövlətlərin Əməkdaşlıq Şurasına (TDƏŞ) üzv ölkələrin diaspor təşkilatları rəhbərlərinin I Forumu ilə bağlı fikirlərini şərh edərkən bildirib.



“Dünya birliyi ermənilərin XX əsrin əvvələrində günahsız türk millətinin başına açdıqları oyunları görməli və qondarma erməni soyqırımına yox deməlidir. Əsl ədalət o zaman görünəcək. Yoxsa, ədalətsiliyin yanında durmaq, böyük bir yalana dəstək vermək deməkdir.

Hesab edirəm ki, bu məsələdə Azərbaycan və Türkiyə birgə addım atmalıdır. Üstəlik, digər türk dünyası ölkələri də fəallıq göstərməli və ortaq çalışmalarla ermənilərin yalanlarını ortaya qoymalıdırlar. Bu, bizim gedəcəyimiz birlik və bütövlük yoludur. Yalnız bir olarıqsa, istədiyimiz nəticələri əldə edə biləcəyik. Xüsusilə, əlimizdə olan bütün arxiv sənədləri müxtəlif dillərə tərçümə olunmalıdır ki, erməni yalanlarını sənədlərlə istablayaq. Bu zaman istənilən nəticə ortaya çıxacaq və əsl gerçəklik üzə çıxacaq. Bu məsələdə işlər gedir və bunu daha da sürətlə aparmalıyıq”,-deyə professor İ.Öztek qeyd edib.



İ.Öztek eyni zamanda bu hadisələrin təkcə Azərbaycan və Anadolu bölgəsində yoxsa,orta asiya türk dövlətlərində soyqırım hadisələrinin törədiliyinə diqqətə çəkdi:

“Ermənilər və onlara dəstək olan qüvvələr orta asiya türklərinə qarşı qətliamlar törədiblər. Deməli, bu faktlar onu göstərir ki, proses türk dünyasının tamamilə yox edilməsinə hesablanan bir çirkin və vəhşi oyun olub. Məhz bu amillər bizi birgə addım atmağa vadar edir və bundan başqa çıxış yolumuz yoxdur”.