Yeni Nəfəs Gənclər Təşkilatı Kəlbəcər rayonunun işğalı ilə bağlı Şəhidlər Xiyabanına ziyarət təşkil edib.

Metronun Elmlər Akademiyası stansiyası qarşısında toplanan gənclər Şəhidlər Xiyabanına qədər əllərində “Kəlbəcər” yazısı və Azərbaycan bayraqları ilə yürüş ediblər. Şəhidlər Xiyabanı önündə torpaqlarımız uğrunda canlarından keçmiş Şəhidlərimiz sayğı duruşu ilə anılıb. İlk öncə Yeni Nəfəs Gənclər Təşkilatının sədri Mehman Həsən öz fikirlərini gənclərlə bölüşüb: “Bu gün sizin kimi gəncləri burda görmək çox qürurvericidir. Siz var olduqca bu torpaqlar var olacaq, bu günlər unudulmayacaqdır. Bir gün bizlər Azərbaycan bayrağını Qarabağda dalğalandıracayıq. Daha sonra isə General Əli bəy, Tahir bəy Kəlbəcərin işğalı zamanı canlı şahidləri olduqları hadisələr barədə gənclərə məlumat verib.

Yeni Nəfəs Gənclər Təşkilatı

Mətbuat Xidməti

Nərgiz Qarayeva