Sarkisyanın bu açıqlaması onun bir daha siyasi savadsızlığını və qeyri-ciddi siyasətçi imicini ortaya qoyur.



Bu sözləri İğdırdan Beynəlxalq Əsassız Erməni İddiaları ilə Mübarizə Dərnəyinin sədri Göksel Gülbey Ermənistan prezidenti Serj Sarkisyanın “Reuters” agentliyinə verdiyi müsahibəsində Dağlıq Qarabağı Azərbaycanın tərkibində görməyəcəyi və s. məsələlərlə bağlı bildirdiyi fikirlərini şərh edərkən bildirib.



“Sarkisyan bir şeyi dərk etməlidir ki, bu kimi açıqlamaları ölkəsini pis vəziyyətə gətirir. Üstəlik, onun işğalçılıq mahiyyətini göstərir. Sarkisyan onu bilməlidir ki, Azərbaycan gec-tez torpaqlarını işğaldan azad edəcək. Buna Sarkisyan kimilərin, heç bir şübhəsi olmasın. Azərbaycan hər gün iqtisadi və hərbi imkanlarını gücləndirməkdədir. Bu, Ermənistan üçün siqnal olmalıdır.

Hazırda dünyada Ermənistanın işğalçılıq siyasəti ifşa olunmaqdadır. Həmçinin, İki dövlətlə açıq düşmənçilik etmək Ermənistana ucuz başa gəlməyəcək. Bunun ən çox ziyanını sadə ermənilər ödəyib və bundan sonra da ödəyəcəklər”,- deyə təşkilat rəhbəri qeyd edib.