Ermənilər bu hava limanını açmaqla heç nə əldə edə bilməyəcəklər və məqsədləri isə danışıqlara prosesinə dalana dirəndirməkdir.



Bu sözləri Türkiyə Böyük Millət Məclisinin üzvü, Qara Dəniz İqtisadi Əməkdaşlıq Təşkilatı Parlament Assambleyasında Türkiyə nümayəndə heyətinin rəhbəri, Dr. İsmayil Safi Xankəndi aeroportunun istismara verilməsi cəhdini şərh edərkən bildirib.



“Ermənistanın bu addımı onu səmimi olmadığını ortaya qoyur. Məsələdən yayınır və öz şəxsi ambisiyalarına görə, danışıqlara zərbə vurur. Beynəlxalq qurumlar bu məsələdə hərəkətə keçməlidirlər və Ermənistana təzyiqləri artırmalıdırlar. Çünki,bu kimi hallar bölgədə vəziyyətin gərginləşməsinə təsir edən amillərdəndir. Ermənistan isə, bu yolu tutub və etdiyi hərəkətlərdən nəticə cıxartmaq istəmir”,-deyə millət vəkili qeyd edib.