Bu sözləri Azərbaycan Sayokan Döyüş Növləri Mərkəzinin 1-ci vitse-prezidenti, Azərbaycan-Gürcüstan Gənclərinin Həmrəyliyi Assosiasiyanın sədri, ölkənin fəal ictimai gənclərindən olan Aqil Acalov Gürcüstanda keçiriləcək parlament seçkilərini şərh edərkən bildirdi:



”Mənə elə gəlir ki, Gürcüstanda demokratik seçkilər keçiriləcək və Mixail Saakaşvilinin partiyası qalib gələcək. Bu gün Saakaşvili hakimiyyəti dövründə bir çox azadlıqlar təmin olundu və ölkədə rüşvət və s. neqativ hallara son qoyuldu. Bu faktorların seçkilərə böyük təsiri olacaq.

Eyni zamanda Saakaşvilinin rəhbərlik etdiyi partiya Borçalı türklərinin dəstəyini qazanacaq. Çünki, onun hakimiyyəti dövründə Borçalıda qanun-qayda və insanlara gözəl şərait yaradılıb. Nəzərdən qaçırmaq olmaz ki, Azərbaycan və Gürcüstan əlaqələri inkişaf edir və bu əlaqələr yüksələn xətlə davam etməkdədir. Üstəlik, Azərbaycan dövləti Gürcüstana investisiya yatırmaqdadır. Bu gün SOCAR-ın uğurlu fəaliyyəti buna misal ola bilər. Orada yaşayan soydaşlarımız bundan yaxşı yararlanıb,işlə təmin olunublar”.