Bu gün Ermənistan Azərbaycanı təxribata çəkməyə çalışır. Azərbaycan olduqca çox diqqətli, hesablanmış siyasət yürütməlidir.



Bu sözləri Almaniya Bundestaqının keçmiş deputatı, Almaniyada fəaliyyət göstərən Türk-Azərbaycan Birliyinin sədri, professor Hakkı Kəskin Dağlıq Qarabağ ətrafında cərəyan edən hadisələri şərh edərkən bildirib.



“Ermənistanın nə etməsindən və hansı siyasət yürütməsindən aslı olmayaraq, Azərbaycan öz torpaqlarını işğaldan azad edəcək. Bu gün inkişaf edən, beynəlxalq arenada mövqeylərini gücləndirən Azərbaycan dövlətinin şərtləri buna diqtə edir.

Hazırda Ermənistanın qarşısında bir seçim yolu var: Bu qonşuları ilə sülh şəraitində yaşamaqdan keçir. Yox, öz təcavüzkar siyasətini davam etdirib, qonşularına meydan oxuyacaqlarsa və əsasən də Qarabağı işğal altında saxlayacaqlarsa, o zaman Ermənistanı yaxşı yol gözləmir. Erməni siyasətçiləri yaxşı fikirləşməli və gələcək nəsillərinin taleyini düşünməlidirlər”,-deyə professor qeyd edib.