Göksel Gülbey: ”Bütün diaspor qurumlarımız Ermənistanın təxribatlarına qarşı bir olmalıdırlar”



Bu gün erməni təxribatlarına qarşı ən yüksək səviyyədə cavab verilməlidir və veriləcək də.



Bu sözləri İğdırdan Beynəlxalq Əsassız Erməni İddiaları ilə Mübarizə Dərnəyinin sədri Göksel Gülbey son günlər Ermənistan və erməni diasporunun Azərbaycana qarşı apardıqları təxribatları ilə bağlı fikrini şərh edərkən bildirib.



“Bu gün erməni rəsmiləri Ermənistan Azərbaycana terrorla təhdid edir və bu müasir dünyanın gözü qarşısında cavab verir. Onlar bir zamanlar türk dünyasının siyasi-ictimai xadimlərini necə öldürdüklərini fəxrlə qeyd edirlər, yenidən bu üsula qayıdacaqlarına eyham vururlar. Əgər, onlar bu addıma gedərlərsə və unutmasınlar ki, onlara layiqli şəkildə cavab veriləcək.

Bu gün Beynəlxalq Əsassız Erməni İddiaları ilə Mübarizə Dərnəyi can Azərbaycanımızın yanındadır. Amma, istərdim ki, bütün diaspor qurumlarımız bu məsələdə ayıq-sayıq olmalı və vahid şəkildə fəaliyyət göstərməlidirlər. Azərbaycanın haqlı davasını var gücümüzlə dəstəkləməliyik”,-deyə dərnək başqanı söyləyib.



Göksel Gülbey bu məsələ ilə bağlı sıra tədbirlər keçirməyi planlaşdırdıqlarını da qeyd edib.



“Qarşıda erməni təxribatlarına qarşı mübarizə aparmaq üçün tədbirlər keçirələcək və mübarizədə sona kimi davam edəcək. Onsuz da erməni yalanlarına qarşı mübarizə təşkilatımızın əsas prioritet xəttini təşkil edir”,-deyə G.Gülbey vurğulayıb.