Tariximiz və arxivlərimiz ermənilərin Türk millətinə qarşı törətdiyi soyqırım faktları ilə doludur.



Bu sözləri “Təzadlar”a Belçika Qarabağ Mədəniyyət və Həmrəylik Dərnəyinin “BELKAD” başqanı Abbas Uçar Ermənilərin Türk millətinə qarşı törətdiyi soyqırımla bağlı fikirlərini şərh edərkən bildirib.



“Bu gün beynəlxalq aləm bilməlidir ki, ermənilərin son yüz ildə Anadoluda, İrəvanda, Bakıda, Şamaxıda, Qubada, Qarabağda və s. bölgələrdə törətdikləri soyqırım nəticəsində yüz minlərlə insanımız öldürüldü və şikəst edildi.

İndi ermənilərdən soruşmaq lazımdır ki, bu gün yaşadıqları Ermənistanda XX əsrin əvvəllərində üstünlük təşkil edən Azərbaycan türkləri sonradan soyqırıma məruz qalara, öz dədə-baba yurdlarından didərgin düşüblər. Mənim babalarım bu torpaqların sakinləri olublar və ermənilərin mənfur əməlləri nəticəsində öz torpaqlarını tərk etməyə məruz qalıblar”,-deyə təşkilat rəhbəri qeyd edib.



Abbas Uçar onu da əlavə edib ki, ASALA kimi terror təşkilatları tarix boyu Türk millətinə arxadan ağır zərbə vurmaqla məşğul olublar və hansısa qüvvələrin əllərində alət olaraq,çirkin işləri həyata keçiriblər.



“Bu gün ASALA-nın təhdidləri Azərbaycan və Türkiyəyə heç bir təsiri yoxdur. İndi dünyada güclü azərbaycan-türk diasporu var. İki qardaş ölkənin malik olduğu güc və birgə potensial ASALA-nın üzərindən əzib keçər. Bunu ermənilər yaddan çıxarmasınlar”,-deyə Abbas Uçar vurğulayıb.