Abbas Uçar: ”Türk birliyinin yaranması vahid türk diasporunun yaranmasına böyük təsir edəcək”



Türk birliyinin yaranması vahid türk diasporunun yaranmasını sürətləndirəcək.



Bu sözləri Belçika Qarabağ Mədəniyyət və Həmrəylik Dərnəyinin “BELKAD” başqanı Abbas Uçar Türkdilli ölkələrin vahid bayrağının qəbul olunmasını şərh edərkən bildirib.



“Türk birliyi yaranması istiqamətində görülən işlər xaricdə yaşayan milyonlarla türk toplumunun bir araya gəlməsinə böyük təsir edəcək və onlara mənəvi-ideoloji dəstək olacaq. Xüsusilə, bu amil vahid türk diasporunun yaranmasına müsbət rol oynacaq və bu istiqamətdə görülən işləri sürətləndirəcək.

Bunun üçün bütün təşkilatlar bir araya gəlməli və birlik istiqamətdə işlər gücləndirməlidir. Hesab edirəm ki, vahid türk diasporunun formalaşması strateji hədəfimiz olmalıdır. Həmçinin, bu birlik erməni diasporuna qarşı ciddi və effektiv mübarizə aparmağa kömək edəcək. Üstəlik, Qarabağ həqiqətlərinin dünya ictimaiyyətinə çatdırılmasında da böyük səs ola bilər”,-deyə Abbas Uçar qeyd edib.