Çox hörmətli Media Qurumları və İctimai birliklər! Nəzərinizə çatdırırıq ki, 06 mart 2012-ci il tarixdə saat 14:00-da “ATATÜRK” Mərkəzində Dünya Azərbaycanlıları Konqresinin Qadınlar Təşkilatının və Dünya Ana və Uşaq İctimai Birliyinin təşkilatçılığı ilə “Dünya siyasətində və Qarabağ probleminin həllində qadınların rolu” adlı tədbir keçiriləcək.

Məclisdə tanınmış şəxsiyyətlər, söz adamları, ictimai xadimlər, müsiqi kollektivi, tanınmış mügənnilər, alimlər və professorlar iştirak edəcəklər.



Dünya siyasətində və Qarabağ probleminin həllində qadınların rolu



“Ölkədə aparılan uğurlu sosial siyasət qadınların öz potensiallarını reallaşdırmasına daha geniş zəmin yaradıb. Müasir Azərbaycanda qadınların dövlət strukturlarında təmsilçiliyi getdikcə artıb”. Bu gün ölkənin ictimai-siyasi həyatında önəmli yer tutan Heydər Əliyev Fondunun prezidenti Mehriban Əliyevanın fəaliyyəti sosial sahənin çox böyük spektrini əhatə edir ki, buraya uşaq və qadın hüquqlarının müdafiəsi, aztəminatlı ailələrə dəstək kimi layihələr də daxildir: “Məhz Mehriban Əliyevanın təşəbbüsü ilə “Məişət zorakılığının qarşısının alınması haqqında” qanun Milli Məclis tərəfindən qəbul edilib. Ölkədə vətəndaş cəmiyyətinin, dialoqun inkişafı nəticəsində qadın QHT-lərinin potensialı da gündən-günə artır ki, bunların sırasında YAP qadınlar təşkilatı üzvlərinin səmərəli fəaliyyətini xüsusilə qeyd etmək lazımdır. Müasir Azərbaycanda qadınların qərar qəbuletmədə və hakimiyyət orqanlarında iştirakı da getdikcə artmaqdadır. Ümumilikdə parlamentdə qadın deputatların təmsilçiliyi ötən çağırışla nisbətdə 14 nəfərdən 20 nəfərə yüksəlib. Bələdiyyə orqanlarında qadınların təmsilçiliyi 4 faizdən 26,5 faizə çatıb. Hazırda ölkədə dövlət qulluğunda çalışanlar, hakimlər, orta və ali məktəb müəllimləri, həkimlər sırasında qadınlar böyük əksəriyyət təşkil edir. Dövlət uşaqların müdafiəsinin gücləndirilməsi, onların hüquqlarının təmin edilməsi sahəsində fəaliyyətin əlaqələndirilməsi məqsədi ilə bir sıra tədbirlər həyata keçirir.

Bu məqsəd ilə Dünya Azərbaycanlıları Konqresinin Qadınlar Təşkilatı və Dünya Ana və Uşaq İctimai Birliyi “Dünya siyasətində və Qarabağ probleminin həllində qadınların rolu” adlı tədbirin təşkil olunmasını qərara alıb.

Əvvəlcədən minnətdarlığımızı bildirirk.





Dünya Azərbaycanlıları Konqresinin

Mətbuat Xidmətinin Rəhbəri

Peyman Sadıqov