077 (519) 12 may 2011-ci il



Mətbuat Xidmətinin



Məlumatı







DUİ-də İslam Partiyasının hicab aksiyası ilə fikir ayrılığı yaranıb







Vüqar Bəyturan:”MQP heç vaxt başqa dövlətin sifarişini yetirənləri dəstəkləyə bilməz”







Dünən Demokratiya Uğrunda İttifaqın Sədrlər Şurasının toplantısı keçirilib. Toplantıda 6 may tarixində İslam Partiyası tərəfdarlarının Təhsil Nazirliyi önündə keçirdikləri aksiyanın dağıdılması zamanı baş verən polis zorakılığını pisləyib. DUİ-də təmsil olunan MQP fərqli mövqe nümayiş etdirsə də, səs çoxluğu ilə bu qərar qəbul edilib. DUİ-dəki digər müttəfiqlərinin mövqeyi iə razılaşmadığını bildirən MQP başqanı Vüqar Bəyturan xüsusi açıqlama ilə çıxış edib. Vüaqr Bəyturan deyib:”MQP türk millətçilərinin qurumudur və biz heç vaxt İslam Partiyasının hər hansı qanunazidd addımını təqdir edə bilmərik. Bu qüvvə həmişə İran adlanan dövlətin hakim fars molla rejiminin sifarişlərini yerinə yetirib və MQP heç vaxt başqa dövlətin sifarişini yetirənləri dəstəkləyə bilməz. Baxmayaraq ki, MQP demokratiyanın, insan haqqlarının ölkəmizdə bərqərar olması uğrunda mübarizə aparan, polis zorakılığına qarşı olan siyasi qurumdur, hicab məsələsində Təhsil Nazirliyinin mövqeyini doğru hesab etdiyimiz və İslam Partiyasının Azərbaycanın siyasi qurumu kimi qəbul etmədiyimiz üçün DUİ Sədrlər Şurasının məlum qərarının siyasi məsuliyyətini bölüşmürük, bu qərara səs vermədiyimizi bəyan edirik. Bundan başqa, DUİ-nin növbəti toplantısında qurumun ideoloji-siyasi platforması ilə bağlı müzakirələrin aparılacağına və aydınlaşmanın olacağına da ümid edirik”.



Mətbuat Xidmətinin



rəhbəri: Kənan Göytürk