"Savalan" Mistik Qrupu Türkiyədən səfərdən qayıdıb. Bu haqda məlumatı "Savalan" musiqi qrupunun rəhbəri, Azərbaycan Opera və Balet Teatrının aktyoru Novruz Novruzlu məlumat verib.

Qrup rəhbərinin sözlərinə görə, "Savalan" Mərmərə Vəqf Qrupu tərəfindən təşkil edilən XIV Avrasiya İqtisadi Zirvəsinin mədəniyyət proqramı çərçivəsində çıxış edib: "Tədbirdə dünyanın 36 ölkəsindən gələn yüksək vəzifəli dövlət xadimləri daxil olmaqla, Azərbaycan rəsmiləri də iştirak edirdi. Bizim ifamız tədbir iştirakçıları tərəfindən yüksək qarşılandı. Xüsusilə, "Giziroğlu Mustafa bəy" mahnısı əcnəbi qonaqların çox xoşuna gəldi və bizi dörd ölkəyə konsertə dəvət etdilər”.

Qrup gözəl ifasına görə Mərmərə Vəqf Qrupunun İdarə Heyəti tərəfindən "Xüsusi Təşəkkürnamə" diplomu ilə mükafatlandırılıb.