№070/512 11 mart 2011-ci il



Mətbuat Xidmətinin



Məlumatı







MQP 11 mart aksiyasında saxlanılanların təcili azadlığa buraxılmasını tələb etdi







Xaqani Emin:”Baş verən həbslər sərbəst toplaşmaq azadlığının kobud şəkildə pozulması faktıdır”







Bu gün bir qrup gəncin şəhərin müxtəlif yerlərində etiraz aksiyaları keçirmək cəhdləri hüquq-mühafizə orqanları tərəfindən zorakılıqla alınıb. Baş verən hadisəyə MQP başqan müavini Xaqani Emin münasibət bildirərək, gənclərin həbsini pisləyib. Xaqani Emin deyib: “Partiyamız sözügedən tədbirdə iştirak etməsə də və pərakəndə formada təşkil olunan aksiyaların xeyirdən çox, ziyan verməsi düşüncəsində olsa da, bu gün baş verən hadisələrə- dinc aksiyanın zorakılıqla dağıdılması və bir qrup gəncin hüquq mühafizə orqanları tərəfindən saxlanmasına öz etirazımızı bildiririk. Hesab edirik ki, baş verən həbslər sərbəst toplaşmaq azadlığının kobud şəkildə pozulması faktıdır və bu, Azərbaycan hakimiyyətinə başucalığı gətirmir”. Bəyanatın sonunda MQP funksioneri hakimiyyətdən saxlanılan gənclərin təcili azadlığa buraxılmasını və ölkə vətəndaşlarının konstitusion hüquqlarına hörmətlə yanaşılmasını tələb edib.







Mətbuat Xidmətinin



rəhbəri: Kənan Göytürk