Son günlər İqtidarın yürütdüyü yarıtmaz daxili siyasət nəticəsində respublikada ictimai siyasi və iqtisadi vəziyyət kritik həddə çatmışdır. Azərbaycan xalqının maddi sərvətlərini oğurluq yolu ilə ələ keçirmiş məmurlar, hakimiyyət uğrunda konstitutsiya yolu ilə mübarizə aparan siyasi qüvvələrə qarşı represiya siyasətinə start vermişdir.

Müasir dünyada baş verən iqtisadi siyasi proselərin xalqların siyasi azazdlıqlarına təsirini dərk etməyən, korrupsiya bataqlığında batmış, səriştəsiz, dövlət məmurlarının, Azərbaycanda köklü dəyişikliklərin zəruriliyini tələb edən demokratik ruhlu gəncliyin üzərinə cəza aparatını yönəltməsi, hakimiyyətin diktatura üsul idarəsinə üstünlük verməsinə əsas yaratmışdır.

Konstitutsion hüquqlarının bərpasını tələb edən, Cabbar Savalanın, Bəxtiyar Hacıyevin, Dəyanət Kərimovun, Səxavət Soltanlının, Rəşadət Axundovun və digər gənc fəalların, gizli yolla oğurlanaraq, işgəncələrə məruz qalması, respublikada elan olunmamış fövqəladə vəziyyətin hökm sürdüyünü təsdiq etmişdir.

Azərbaycan Dünyəvi Bozqurd Partiyası Azərbaycanda köklü islahatların demokratik yolla həyata keçməsi uğrunda qanun çərçivəsində fəaliyyət göstərən, təşkilatlara ,partiyalara, vətəndaşlara qarşı;

-dövlət orqanlarının öz səlahiyyətlərindən qisaçılıq məqsədilə istifadəsinə son qoymağı,

-ayrı-ayrı məmurların qanundan kənar cinayətkar əməllərinin, respublikada ictimai siyasi vəziyyətin gərginləşdirib, Misir, Tunis və liviyadakı qanlı hadisələrə bənzər vətəndaş müharibəsinin baş verməsinin qarçısını vaxtında almaq üçün belə məmurların cəzalandırılmasını.

- Azərbaycan hakimiyyətinin yürütdüyü represiya siyasətinin dayandırılmasını tələb edir.

Partiyanın mətbuat katibi Atilla Türksoy

09 mart 2011-ci il