26 fevral 2011-ci il tarixində Danimarkanın paytaxtı Kopenhagen şəhərində “Danimarka Azərbaycan Türk Birliyi” və “Vətən Cəmiyyəti”nin təşəbbüsü ilə Xocalı soyqırımı qurbanlarının anım mərasimi keçirilib. Bu haqda məlumatı “Danimarka Azərbaycan Türk Qadınlar Birliyi” sədri Anaxanım Hüseynova verib.

Mərasim Xocalı faciəsi qurbanlarının xatirəsinin 1 dəqiqəlik sükutla yad edilməsi ilə başlayıb. Daha sonra tədbir iştirakçıları ermənilərin Azərbaycanın dinc sakinlərini öz doğma torpaqlarından didərgin salmasından, onların başına olmazın müsibətlərin gətirilməsindən danışıldı.

Tədbirdə Xocalı soyqırımı nəticəsində uşaqların, qadınların və qocaların qətlə amansızlıqla qətlə yetirildiyini əks etdirən video materiallar nümayiş etdirildi. Tədbirin sonunda Xocalı soyqırımında həlak olanların ruhuna ehsan süfrəsi açıldı.



Xocalı ilə bağlı digər tədbir Suddansk universitetinin tələbəsi həmvətənimiz Elçin Ibrahimovun təşəbbüsü ilə “Xocalıya Ədalət Kompaniyasi” çərçivəsində Danimarkanin Suddansk universitetdinde tələbə və müəllim heyətinə məlumatverici seminar keçirilib. Bu haqda məlumatı “Vətən” cəmiyyətindən bildiriblər. Seminar istirakçılarına Dağliq Qarabag probleminin tarixi və xüsusilə Xocali faciəsi haqqında məlumat verildi.

Seminarın əsas məqsədi Qarabağ barədə məlumat vermək, bölgədə sülhün bərqərar olması və bunun yollarının axtarıb tapılması idi. Seminarda xarici qonaqlarla yanaşı, erməni tələbələri də iştirak edirdi. Ermənilər hər zaman calışırdılar ki, seminarın işinə mane olub, Azərbaycan həqiqətlərinin üzə çıxmasına,yazıq erməni simasının ifşa olunmasına mane olsunlar. Bakıdan telefon bağlantısı quran hüquqşunas və politoloqun danışıqlarına hər zaman mane olurdular. Amma buna baxmayraq seminar baş tutdu. Xarici qonaqlara Qarabağ barədə ətraflı məlumat verildi və erməni-rus birləşmələrinin Xocalıda törətdikləri cinayətlər pislənilib.





Elnur Eltürk