Bu günlərdə “Dünya” Ana və Uşaq İctimai Birliyinin sədri Dünyaxanım Əliyeva və Mina Qurbanlarının Sosial-İqtisadi Problemlərinin Həllinə Kömək” İctimai Birliyinin sədri Məmmədhəsən Həsənovun təşəbbüsü ilə Goranboy rayonunun Qaradağlı kəndində Xocalı soyqırımının 19-cu il dönümünə həsr olunmuş anım tədbiri keçirilib. Bu haqda məlumatı “Dünya” Ana və Uşaq İctimai Birliyinin sədri Dünyaxanım Əliyeva verib.

Tədbiri Mubariz Səfərov adına Qaradağlı kənd orta məktəbinin direktoru Saleh Salahov açaraq erməni işğalçılarının Xocalı şəhərində törətdikləri vəhşiliklər haqqında tədbir iştirakçılarına məlumat verdi.

Direktor müavini Rəşad Məmmədovda erməni vəhşilikləri haqqında danışaraq bildirdi ki, biz bu faciə haqqında həm dünya ictimayyətinə məlumat verməli həm də böyüməkdə olan gənc nəsli bilgiləndirməliyik. Daha sonra çıxış edən məktəb şagirdləri Xocalı soyqırımı haqqında öz fikirlərini tədbir iştirakçıları ilə bölüşdülər. Tədbirdə iştirak edən milli qəhrəmanlar Məhəmməd Həsənov və Maşallah Abdullayev də üzünü şagirdlərə tutaraq bildirdi ki, biz çalışacayıq etdiyimiz səhvi siz gənc nəsilin üzərində qoymayaq. Torpaqlarımızı biz yaşlı nəslin nümayəndələri işğaldan azad edək.

Sonda çıxış edən Dünyaxanım Əliyeva bildirdi ki, Xocalı soyqırımı haqqında dünya içtimayyətinin və həm də böyüməkdə olan gənc nəslin məlumatlı olması üçün bu tip tədbirlərin hər yerdə keçirilməsinə böyük ehtiyac var. Biz Xocalı soyqırımı haqqında tədbirlərimizi təkcə faciənin ildönümü ərəfəsində deyil, bütün il boyu keçirməliyik. O vaxta qədər ki, dünya bu faciəni bir soyqrım faktı kimi qəbul edəcək.

Tədbirin sonunda şəhid ailələrinə və məktəb şagirdləri arasında keçirilən Xocalı soyqırımına həsr olunmuş inşa müsabiqəsinin qaliblərinə fəxri diplomlar verildi.