DUİ Sədrlər Şurasının növbəti toplantısı keçirilib. Toplantıda

qərarların icra vəziyyəti, ölkədəki ictimai-siyasi durum, DUİ-nin

qarşısında duran vəzifələr və cari məsələlər müzakirə edilib.

Təşkilati məsələlərdə Azad Azərbaycan Partiyası DUİ sıralarına,

partiyanın sədri Həsən Həsənov Sədrlər Şurasına üzv qəbul olunub.

Müraciət edən digər iki partiyanın məsələsini növbəti toplantılarda

müzakirə etmək barədə razılığa gələn DUİ rəhbərliyi qurumun Məclisinin

formalaşdırılması istiqamətində konkret addımların atılmasını

qərarlaşdırıb. Qərara görə, hər partiyadan 7 Məclis üzvü olmaq şərtilə

mütəxəssislərin, ziyalıların, ictimai təşkilatların rəhbərlərinin

iştirakı ilə mart ayında DUİ Məclisi təsis olunacaq.

DUİ Sədrlər Şurası Xocalı soyqırımının ildönümü ilə əlaqədar 26

fevral saat 13-də Soyqırım abidəsini ziyarət etmək barədə qərar qəbul

edib, iqtidarı bu soyqırımını törədənlərin cəzalandırılması, işğal

altında olan Azərbaycan torpaqlarının azad edilməsi istiqamətində

təcili və konkret addımlar atmağa çağırıb.

Demokratiya Uğrunda İttifaq 2007-ci ildə təsis olunub. Quruma

Azadlıq, Milli Qurtuluş və Azad Azərbaycan Partiyaları daxildir



Mətbuat Xidmətinin rəhbəri: Rüfət Türkalp