№067/509 14 fevral 2011-ci il

Mətbuat Xidmətinin

Məlumatı

Milli Qurtuluş Partiyası iqtidarı Hüsnü Mübarəkin heykəlinin götürməyə çağırdı



MQP Siyasi Şurası:”Milyonlarla misirlinin nifrətlə yad etdiyi bir

diktatorun Xırdalanda ağırlanmağına davam etmək dövlətimizə baş

ucalığı gətirmir”



MQP Siyasi Şurasının növbəti bəyanatla çıxış edib. Bəyənatda

Misirdə baş verən hadisələr demokratiyanın qələbəsi, diktaturaların

çöküşünün başlanğıcı kimi dəyərləndirilib, Misir xalqı qələbə

münasibətilə təbrik edilib. MQP Siyasi Şurası eyni zamanda hadisələrin

bundan sonrakı inkişafının da xalqın istəyinə uyğun şəkildə davam

edəcəyinə ümid etdiyini bildirib. MQP Siyasi Şurası Azərbaycan

iqtidarına müraciət edərək, Misirin keçmiş prezidenti Hüsnü Mübarəkin

Xırdalandakı heykəlini götürülməsi ilə bağlı qərar verməyə çağırıb. “

Milyonlarla misirlinin nifrətlə yad etdiyi bir diktatorun Xırdalanda

ağırlanmağına davam etmək dövlətimizə baş ucalığı gətirmir. Son

hadisələrdə qətlə yetirilmiş yüzlərlə dinc misirlinin və eyni zamanda

azadlığın, demokratiyanın rəmzini xarakterizə edəcək başqa bir

heykəlin həmin ərazidə qoyulması daha məqsədə uyğundur”- deyə qeyd

edən MQP rəhbər qurumu əks təqdirdə dövlətimizin keçmiş diktatora

qarşı izah olunması mümkün olmayan sevgisinin bütün dunyanı

təəcübləndirə biləcəyinə şübhə etmədiyini vurğulayıb.

MQP Mətbuat Xidməti onu da əlavə bildirir ki, sabah, 15 fevral

tarixində, saat 12-də KXCP qərərgahında Demokratiya Uğrunda İttifaqa

daxil olan partiyalar Misir inqilabı mövzusunda Dəyirmi Masa

keçirəcək. Media nümayəndələrinin iştirakı xahiş olunur.





Mətbuat Xidmətinin

rəhbəri: Kənan Göytürk