№065/507 29 yanvar 2011-ci il



Mətbuat Xidmətinin



Məlumatı







Demokratiya Uğrunda İttifaq Novxanı ziyarətinin vaxtını dəyişdi







Asif Ozan:”Müttəfiqlərimizə təşəkkür edirik, amma mövqeyimizdə qalırıq”







Demokratiya Uğrunda İttifaqa daxil olan Milli Qurtuluş Partiyası AXCP və Müsavatla birlikdə Məmməd Əmin Rəsulzadənin doğum günü münasibətilə anım tədbirində iştirakdan imtina etdikdən sonra DUİ Sədrlər Şurası işçi qaydada tədbirin vaxtını dəyişib. AXCP-Müsavat blokundan 1 saat əvvələ təyin olunan anım mərasimində MQP rəhbərliyinin iştirak edib-etməyəcəyini dəqiqləşdirmək məqsədilə MQP Böyük Məclisinin başqanı Asif Ozanla əlaqə saxladıq. Asif Ozan MQP-nin DUI-də təmsil olunan müttəfiqlərinə qərarlarında dəyişiklik etdiklərinə görə təşəkkür etdiklərini, amma bununla belə, yenə əvvəlki mövqelərində qaldıqlarını bildirib. “Biz iki səbəbdən Novxanı ziyarətindən imtina etmişdik. Səbəblərdən biri aradan qaldırıldı, digəri- Azərbaycan tarixində müstəsna yeri olan bir tarixi şəxsiyyətin bir kənd çərçivəsinə salınması faktı isə qalır. Bu səbəbdən MQP olaraq biz ziyarətdən imtina qərarımızı dəyişmirik”-deyən MQP funksioneri bu il üçün Məmməd Əmin Rəsulzadənin doğum gününün ildönümünü partiya daxilində qeyd etməyə üstünlük verəcəklərini bildirib.







Mətbuat Xidmətinin



rəhbəri: Kənan Göytürk