№062/504 05 yanvar 2011-ci il

Mətbuat Xidmətinin

Məlumatı

Demokratiya Uğrunda İttifaq genişlənir, İctimai Palata isə “ölü doğulan” uşağa bənzədildi



Milli Qurtuluş Partiyasının DUİ-də struktur islahatları barədə təklifi mezakirə ediləcək



DUİ-yə daxil olan partiyalar İctimai Palatanın yaradılmasında iştirakdan imtina edəndən sonra sözügedən qurumda birləşən bəzi partiyaların rəhbərliyində təmsil olan funksionerlər DUİ-ni tənqid edən açıqlamalarla çıxış edib. Həmin açıqlamalarda DUİ-nin mövqeyi bölücülük kimi qiymətləndirilib, 4 müttəfiq partiyanın İctimai Palataya qatılmamasında şübhəli məqamların olduğunu iddia edilib. Bu açıqlamalara münasibət bildirən MQP başqanı, DUİ Sədrlər Şurasının üzvü Vüqar Bəyturan İctimai Palatanın qpanta hesablandığını və müxalifətin birləşdirilməsinə deyil, parçalanmasına xidmət etdiyini söyləyib. Vüqar Bəyturan qeyd olunan qurumda müxalifətdə olan 3-4 partiyanın birləşdiyi halda, bütün müxalifətin adından çıxış etməsinin absurd olduğunu vurğulayıb. Kordinasiya Şurasında təmsil olunanlara gəlincə, MQP başqanı bu şəxslərin mütləq əksəriyyətinin son 17 ildə müxalifətin məğlubiyyətlərinin müəllifi kimi tanındığını, xalqın son seçkilərdə hakimiyyətlə paralel olaraq onları da baykot etdiyini və bu səbəblərdən İctimai Palatanın “ölü doğulan uşaq” olduğunu bəyan edib. DUİ-nin 2011-ci ildəki planlarına toxunan Vüqar Bəyturan qurumda struktur islahatlarının və sıra genişlənməsinin gözlənildiyini deyib. “Azad Azərbaycan Partiyasə və adlarının açıqlanması hələ lazım bilinməyən iki digər partiya DUİ sıralarına qəbul oluna bilər. İlin ilk toplantısında bu barədə müzakirələr aparılacaq. DUİ-nin Məclisinin və komissiyalarının yaradılması, 2013-cü il Prezident seçkilərinə hazırlıq məqsədilə Seçki Qərərgahının formalaşdırılması barədə də partiyamızın təklifləri var “-deyən MQP başqanı əsas məqsədlərinin DUİ-ni müxalifətin əsas güc mərkəzinə çevirmək olduğunu qeyd edib.



Mətbuat Xidmətinin

rəhbəri: Kənan Göytürk