№059/501 21 dekabr 2010-cu il

Mətbuat Xidmətinin

Məlumatı

MQP Siyasi Şurası hicab probleminin arxasında İranın dayandığını bəyan etdi



MQP SŞ:”Bəzi müxalifət partiyalarının hicab problemindən hakimiyyətə

qarşı istifadə etməsini yolverilməz hesab edirik”



Milli Qurtuluş Partiyasının Siyasi Şurası son günlər gündəmi məşğul

edən hicab problemi ilə bağlı bəyanat qəbul edib. Bəyanatda deyilir:”

Təhsil müəssisələrində dini geyimin qadağan edilməsini tamamilə haqqlı

qərar hesab edərək, bu addımın hüquqi, dünyəvi, laik dövlətin əsas

atributu kimi qiymətləndiririk. Azərbaycan hakimiyyətinin

demokratiyanın tələblərinə əməl etməməsi barədə faktların çoxluğuna

baxmayaraq, məhz hicabla bağlı addımı düzgün qiymətləndirir və bəyan

edirik ki, hicab məsələsi süni yaradılmış problemdir, bu problemin

qabardılmasının arxasında düşmən İran imperiyası dayanır. Hicab

tələbilə küçələrə çıxan nümayişçilər bir dəfə də olsun Qarabağ

tələbilə, Ermənistana hər cür yardım göstərən İrana etiraz məqsədilə

tədbir keçirməyib. Biz, MQP Siyasi Şurasının üzvləri Azərbaycanda İran

kəşfiyyat orqanları ilə əlaqəli tədbirlərə və aksiyalara son

qoyulmasını, müvafiq güc strukturlarının siyasi bəyanatlar verməyib,

konkret addımlar atmasını tələb edirik. Təəsuflə qeyd edirik ki, eyni

düşərgəni paylaşdığımız bəzi müxalifət partiyaları da bu cür milli

məsələlərdə yanlış mövqe nümayiş etdirir və bilərəkdən, ya da

bilməyərəkdən İranın yanında yer alırlar. Hesab edirik ki, hicab

problemindən hakimiyyətə qarşı istifadə etmək yolverilməzdir. Bu gün

hicabın müdafiəsinə qalxan qüvvələrin 17 il ərzində demokratiya

uğrunda mübarizəyə dəstək verməyib, daim şərin yanında yer aldığını,

yalnız qonşu fars imperiyasından göstəriş gələndə aksiyalara əl

atdıqlarını unutmamalıyıq”.



Mətbuat Xidmətinin

rəhbəri: Kənan Göytürk