№057/499 10 dekabr 2010-cu il



Mətbuat Xidmətinin

Məlumatı



Vüqar Bəyturanın Avropa İnsan Haqqları Məhkəməsinə şikayətinin

hazırlanmasına başlanıldı



Vüqar Bəyturan(Oruc):”Ali Məhkəmənin şikayətimi təmin etməməsi səbəbi

kimi Konstitusiya Məhkəməsinin qərarına əsaslanması indidən qələbəmi

təmin edib”



Milli Qurtuluş Partiyasının başqanı Vüqar Bəyturan Azərbaycan

Respublikası Ali Məhkəməsinin 1dekabr tarixli qərarını nəhayət

sözügedən instansiyadan ala bilib. Ali Məhkəmənin Mülki İşlər üzrə

Kollegiyasının qərarının birinci hissəsində MSK və Bakı Apellyasiya

Məhkəməsinin Vüqar Bəyturanın 31 saylı Suraxanı ikinci seçki

dairəsinin nəticələrini ləğv etmək və təkrar seçki keçirmək

tələblərini təmin etməmək barədə qərarlarını əsaslandırmağa cəhd

etmiş, ikinci hissəsində isə Konstitusiya Məhkəməsi 125 dairə üzrə

seçkinin nəticələrini təsdiq etdiyi və həmin qurumun qərarını dəyişmək

səlahiyyətində olmadığı izah edilir. Göründüyü kimi, Ali Məhkəmə

bilməyərəkdən Azərbaycan reallığını öz qərarında əks etdirmiş,

Konstitusiya Məhkəməsinin digər məhkəmə instansiyalarında müzakirə

olunan şikayətlərin son taleyini gözləmədən qərar verməsini MQP

başqanının şikayətinin təmin olunmaması üçün əsas olaraq göstərmişdir.

Vüqar Bəyturan Ali Məhkəmənin qərarına münasibət bildirərək, qeyd

etmişdir ki, Konstitusiya Məhkəməsinin qərarına əsaslanaraq, şikayətin

təmin olunmaması indidən Avropa İnsan Haqqları Məhkəməsində qələbəni

təmin edib. MQP lideri şikayətinin tanınmış və təcrübəli hüquqşunaslar

tərəfindən hazırlanmasına başlanılıb və tez bir zamanda Avropa İnsan

Haqqları Məhkəməsinə müraciət olunacaq.



Mətbuat Xidmətinin

rəhbəri: Kənan Göytürk