1.12.2010

“TURAN-SAM TÜRK DÜNYASINI BİRLƏŞDİRMƏKDƏ QƏRARLIDIR”



PİA Aynurə İmranovanın təqdimatında "Türkiyədən silsilə müsahibələr" rubrikasını təqdim edir



Özü haqqında:



Mən 12 Sentyabr, 1977. cı ildə Azərbaycan’ın paytaxtı Bakı şəhərində anadan olmuşam. Atayurdum Borçalı’dır. Ana yurdum isə Şamaxı. Mən 1995. ci ildə Türkiyə Universitetinə verdiyim TCS imtahanları nəticəsində qəbul olmuşam. Beynəlxalq münasibətlər üzrə bakalavr ve magistr dərəcələrini Səlcuq Universitetində aldım. Eyni Universitetin Tarix kafedrasında “Atatürk Dönəmi Türkiyə Azərbaycan Münasibətləri (1919-1938)” mövzulu dissertasiya yazaraq, elmlər Doktoru dərəcəsiylə 2010. cu ilin Yanvar ayında mə’zun olmuşam.



-Necə oldu ki Turan-SAM yaratmaq qırarına gəldiniz?



TURAN-SAM(TURAN Stratejik Araşdırmalar Mərkəzi) dərnək deyil, Türkiyə’də Ədliyyə nazirliyindən rəsmi qeydiyyatını tamamlamış STK(Sivil Toplum Kuruluşu) yə’ni Qeyri Hökümət Təşkilatıdır. 2007. ci ildə mənim şəxsi təşəbbüsümlə hazırlanmış bir layihə TükBirDev internet qrupuna gönderildi. Bundan sonra bu layihədə yer almaq istəyən onlarca milliyətçi Türk gənci bu təşəbbüskar fəaliyyətin daxilində yer almaq istəklərini mənə bildirdilər. Mən də bu qrupun içindən bir webusta(webmaster) seçdim, bu gəncin adı Hayri ÜSTÜN idi. Bu gənc mənim ağlımda qurduğum böyük layihənin virtual aləmdə qurulması üçün bizə öz köməyini əsirgəmədi. Üstəlik bu kömək tamamilə təmənnasız ve könüllü olduğu üçün və gənclərdə hər hansı bir maddi gəlir arzusu olmadığı üçün bu layihə bu qədər uğurlu bir layihə olmuşdur.



Daha sonra TURAN-SAM’ın idarə hey’əti tə’sis olunmuşdur. İlk qurucular arasında məndən başqa:Fatih ALPARSLAN, Kader Özlem, Emete GÖZÜGÜZELLİ, Murat ULUTÜRK , Özgür DEMİR, Gökhan GÖKÇEK , Esra SELİMOĞLU, Hayri ÜSTÜN vardı.



Biz bu komanda ilə qurduğumuz TURAN-SAM’ın elmi jurnalını nəşr etməyi planlayanda təqvim 2008. ci ilin sonlarını göstərirdi. Buna göre biz Türkiyə’nin elmi təhsil ocaqlarına rəsmi məktublar göndərdik. Çünki, jurnalın elmi he’yəti təşkil olunmalıydı. Bizə o qədər müraciətlər oldu ki, müraciət edən təxmini 50 məşhur professoru, 30 dosent ve 20 elmlər doktorunu biz jurnalımızın elmi hey’ətinə daxil etdik. Bəhs etdiyim bu jurnalı indi Türkiyə’nin TÜBİTAK deyilən, bizim Elmlər Akademiyası kimi bir quruma indexləməleri üçün müraciət etmişik. Elmi komitə Sentyabr ayında qurulacaq. Ordan da keçərsə jurnalımız, artıq bu jurnal nəinki Türkiyə’de, həm de bütün dünyada Türk Dünyasının ən prestijli jurnalına çevriləcəkdir. Ümidimiz də bu yöndədir. Jurnalımız Humanitar sahədə elmi məqalələr qəbul etməkdədir. Bu jurnal da Ədliyyə Nazirliyindən Rəsmi qeydiyyatdan keçmişdir və Türkiyə Cumhuriyeti, Kültür ve Turizm Bakanlığından(Mədəniyyət ve Turizm Nazirliyindən) da rəsmi elmi jurnallar üçün verilən ISSN qeydiyyatı almışdır.

-Bu günə qədər nə kimi işlr görüldü?



Dediyim kimi, əvvəla nəşr etdiyimiz bu elmi jurnal sayəsində Təşkilatımızın maliyyə şöbəsini finanslaşdırırıq. Yə’ni ki, bu jurnal sayəsində biz bugün ayaqda dura bilirik. Jurnalda bütün Türk ölkələrindən məqalələr göndərilir. Artıq bizim jurnalı bütün Türk dünyası tanıyır. Qazaxıstan’dan tutun, Qırğızısıtan, Türkmənistan, Özbəkistan, Tatarıstan, Başkurdustan, Gagavuziya, Kipr Türk Kəsimi eləcə də Azərbaycan və Türkiyə’dən bizim jurnalımıza elmi məqalələr göndərilməkdədir. Biz gələn bu məqalələri elmi he’yətdəki professorlamıza göndəririk. Onlardan gələn re’ylər doğrultusunda biz müəllifə məqalənin nəşr olunub olunmayacağı barədə vəya düzəliş barədə mə’lumat veririk. Müəlliflər də bu düzəlişləri edərək məqalələrini təkrar bize göndərirlər.



Jurnal xaricində, biz keçdiyimiz günlərdə DAK’ın Gənclik Qollarından bir qrup nümayəndə he’yəti Türkiye Respublikası’na də’vət etmişdik. Azərbaycan’dan Seymur Həsənli ve Taleh Aliyev qardaşlarımız üçün Türkiyə’nin Milliyətçi Hərəkat Partiyası’nın rəhbəri Dr. Devlet BAHÇELİ’dən görüş üçün randevu aldıq. Bu görüş həyata keçdi. Daha sonra gələn qrupu ve TURAN-SAM’ın Ankara rəisi Hayri ÜSTÜN’ü BBP rəhbəri Yalçın TOPÇU ilə görüşdürdük. Daha sonra yenə bu qrupu və bizim nümayəndəmiz Türk Tarix Qurumu Başqanı Prof. Dr. Ali BİRİNCİ ilə görüşdü. Görüşlər çox uğurlu oldu. Daha sonra Qrup bizim İzmir nümayəndəmiz Özgür DEMİR ilə birlikdə Prof. Dr. Yavuz AKPINAR ve Türk Dünyası Araştırmaları Enstitüsü başqanı Prof. Dr. Fikret TÜRKMEN ilə görüşdürüldü. Daha sonra Nümayəndə he’yəti İstanbul şəhərinə hərəkət edərək Türk Dünyası Araştırmaları Vakfı başqanı Prof. Dr. Turan YAZGAN bəy’lə də görüş həyata keçirdi.



Bu yaxınlarda yenə TURAN-SAM’ın də’vəti ilə Türkiyə’yə səfər edən jurnalist Aynura İMRANOVA xanımın bir sıra siyasilərlə görüşü ve roprtajı üçün lazımi yerlərlə əlaqələr qurulmuşdur.



Ayrıca websitenin tanıdılması üçün böyük məbləğdə reklam üçün pul xərclənmişdir. Artıq bizi ən çox Türkiyə və Azərbaycan’da tanıyırlar.



Maraqlananlar üçün websitemizin adresi beledir: www.turansam.org



-Hansı Türk Ölkələrində Təmsilçilikləriniz var?



Türk ölkələrindən başqa Dövlətlərdə də rəsmi nümayəndəliklrimiz mövcuddur. Bunlar aşağıda siyahıda göstərilmişdir:



Türkiye, Azerbaycan, Kazakistan, Kırgızistan, KKTC, Almanya, İran İslam Cumhuriyeti, Türkmeneli(İraq), Doğu Türkistan, Hakasya(Rusiya), Gürcistan, Afganistan, Avusturya, Kosova, Makedonya, Tacikistan, Ukrayna, Norveç, Bulgaristan, Letonya, Sri Lanka



-Bundan sonra planlanan çalışmalar nələrdir?



Bir çox böyük layihmiz mövcuddur. Nümunə olaraq, Ankara vəya Bakı mərkəzli bir “Türk Dünyası Elmlər Akademiyası” və “TURAN UNİVERSİTETİ” qurulması irəlidəki məqsədlərdəndir. Bu layihəy finans olaraq dəstək vermək istəyən işadamlarını bizimle irtibat qurmalarını xahiş edirik. Ayrıca “Türk Dünyası Şaxmat Məktəbi” kimi eleqant bir layihə mövcuddur. Buna göre Azərbaycan’dan 2-3 qrandmaster gətirib Türkiyə’de bu məktəbin təməlini atmaq niyətindəyik. Yenə Ankara vəya Bakı Mərkəzli bir TURAN KİTABXANASI açmaq fikrimiz də vardır.



Ayrıca Digər Orta Asiya Türk Dövlətlərinə hələ tam açılmamışıq. Oralarda da bizim tanıdılmamız bizim üçün böyük nəticələr gətirəcəyindən əminik.