№055/497 26 noyabr 2010-cu il



Mətbuat Xidmətinin

Məlumatı



Bakı Apelyasiya Məhkəməsi Vüqar Bəyturanın şikayətini təmin etmədi

Vüqar Bəyturan(Oruc):”Kassasiya, Ali Məhkəmə və Konstitusiya Məhkəmələrindən də ədalətli qərar gözləmirəm”



Milli Qurtuluş Partiyasının başqanı Vüqar Bəyturan (Vüqar Oruc) 31 sayli Suraxanı ikinci seçki dairəsində seçki kampaniyası dövründə və seçki günü baş vermiş saxtakarlıqlarla əlaqadər Mərkəzi Seçki Komisiyasına etdiyi şikayətdə Fərəc Quliyevin xeyrinə total saxtakarlıq və qanun pozuntuları olması, səslərin düzgün sayılmaması və bütün məntəqələrdə MQP üzvlərinə təzyiqlər edilməsi səbəbindən dairədə seçki nəticələrinin ləğvini, təkrar seçki keçirilməsini, saxtakarlıqda rolu olmuş icra strukturlarının və vəzifəli şəxslərin cinayət məsuliyyətinə cəlb olunmasını tələb etsə də, MSK 21 noyabr tarixli qərarı ilə sözügedən tələbləri yerinə yetirməyib, yalnız 1 məntəqədə seçkilərin nətcəsini ləğv etməklə, şikayəti qismən təmin edib. Qərarla razılaşmayan MQP lideri MSK-nın qərarından Bakı Apelyasiya Məhkəməsinə şikayət ünvanlayıb. Dünən hakim Tofiq Səmədovun sədrliyi ilə sözügedən şikayətə məhkəmə baxışı keçirilib. Məhkəmə baxışının gedişi barədə məlumat verən MQP başqanı, 31 saylı Suraxanı ikinci seçki dairəsindən deputatlığa namizəd Vüqar Bəyturan bildirib ki, məhkəmə ciddi araşdırma aparmayıb, onub bir sıra qanuni tələbləri yerinə yetirilməyib və son nəticədə MSK-nın qərarı qüvvədə saxlanılıb. Verilən qərarı hüquqi deyil, siyasi qərar hesab etdiyini vurğulayan Vüqar Bəyturan qərardan kassasiya şikayəti edəcəklərini və Kassasiya, Ali Məhkəmə və Konstitusiya Məhkəmələrindən ədalətli qərar gözləməsələr də, qanunla nəzərdə tutulmuş bütün prosedur addımları atacaqlarını bildirib.





Mətbuat Xidmətinin

rəhbəri: Kənan Göytürk