№045/487 02 noyabr 2010-cu il



Mətbuat Xidmətinin

Məlumatı



Vüqar Bəyturan (Vüqar Oruc) Ilham Əliyevə müraciət etdi



Vüqar Bəyturan(Vüqar Oruc):”31 saylı dairədə MİS-lər Fərəc Quliyevə səs verməyi tələb edir””



Milli Qurtuluş Partiyasının başqanı Vüqar Bəyturan (Vüqar Oruc) 31 sayli Suraxanı ikinci seçki dairəsində icra strukturlarının, xüsusilə də Mənzil İstismar Sahələrinin digər namizəd Fərəc Quliyev üçün təbliğata start verdiyini bildirib. Vüqar Bəyturan MİS işçilərinin evlərə zəng etdiyini və 7 noyabrda ailəlikcə seçkiyə gəlib, Fərəc Quliyevə səs verməyə çağırdıqlarını söyləyib. Adı çəkilən namizədin görüşlərinin də MİS tərəfindən təşkil edildiyini bildirən MQP başqanı faktla bağlı DSK-ya və MSK-ya, eləcə də ölkə prezidenti İlham Əliyevə müraciət etdiyini və onlardan qanun pozuntusu ilə əlaqədar tədbirlər görülməsini istədiyini qeyd edib. “Saxtakarlığa ciddi hazırlıq gedir, amma biz buna imkan verməyəcəyik. Milli azadlıq hərəkatının iştirakçısı olan birisi Bakı Şəhər İcra hakimiyyətinin göstərişi ilə insanların ona səs verməsinə təsir göstərilməsinə razı olubsa, mən buna təəsüflənirəm”- deyən Vüqar Bəyturan digər namizədləri də qanunsuzluqlara qarşı birgə mübarizəyə çağırıb.



Mətbuat Xidmətinin

rəhbəri: Kənan Göytürk