Azərbaycan Dövlət Televiziyasının (AzTv) əfsanəvi diktoru, əməkdar artist Natavan Hacıyevanın yaradıcılığının 50 illiiyi keçiriləcək. Bu haqda məlumatı tədbirin təşəbbüskarı “Dünya” Ana və Uşaq İctimai Birliyinin və Dünya Azərbaycanlıları Konqresi Qadınlar Şurasının sədri Dünyaxanım Əliyeva bildirib. Tədbir Azərbaycan Mədəniyyət və Turizm Nazirliyinin dəstəyi ilə baş tutacaq.

Dünyaxanım Əliyeva Natavan Hacıyevanın Azərbaycan televiziyası üçün çox önəmli işlər gördüyünü qeyd edərək, bu gün belə şəxsiyyətlərimizin yaddan çıxmaması üçün bu cürnə tədbirlərin keçirilməsinin vacibliyini qeyd etdi: “Mən şəxsən gecənin baş tutmasında başda Azərbaycan Mədəniyyət və Turizm Naziri Əbülfəz Qarayev cənabları olmaqla adını çəkmədiyimi digər dəyərli insanlara öz təşəkkümü çatdırıram”.

Dünyaxanım Əliyeva bundan sonra da Azərbaycan mədəniyyət və incənətinin yüksəlişində öz sözünü deyən insanların yaddan çıxmaması üçün belə tədbirlərin davamlı olaraq keçiriləcəyini söylədi.

Sonda onu da qeyd edək ki, Gecə 2010-ci il sentyabr ayının 27-də saat 19:00-da Gənclər Tamaşacılar Teatrında baş tutacaq. Həmçinin də tədbirdə Azərbaycanın tanınmış mədəniyyət və incəsənət nümayəndələrinin iştirak edəcəyi gözlənilir.

Elnur Eltürk